Prezidenttik jastar kadr rezervine úmitkerlerdiń arasynda joǵary laýazymdy tulǵalardyń týystary bar ma? Ortalyq kommýnikatsiialar qyzmetinde ótken brifingide QR Memlekettik qyzmet isteri agenttiginiń tóraǵasy Anar Jaiylǵanovaǵa osyndai saýal qoiyldy, dep habarlaidy QazAqparat.
«Iá, biz ol jaǵyn mindetti túrde tekseremiz. Olardyń qatarynda joǵary laýazymdy sheneýnik týysy bar kandidattar nemese laýazymdy tulǵalardyń balalary joq. Biz kerisinshe múmkindigi joq jastarǵa «áleýmettik lift» usynǵymyz keledi. Negizi olar konkýrsqa qatysyp-aq memlekettik qyzmetke bara alar edi. Biraq Prezidenttik jastar kadr rezervi arqyly ótkisi kelse, nege bolmasqa? Bizde kadr rezervine ótken adamdardyń arasynda joǵary laýazymdy sheneýnikterdiń balalary joq», - dedi Anar Jaiylǵanova.
Shara barysynda biyl Prezidenttiń jastar kadr rezervin irikteýge biýdjetten 70 mln teńge jumsalǵany belgili boldy.
«2021 jyly Prezidenttik jastar kadr rezervin irikteý jumysyn uiymdastyrýǵa memleket biýdjetinen 70 mln teńgege jýyq qarjy bólingen. Ol qarajat IT-platformany daiyndaýǵa, sarapshylardy tartýǵa, assesment-ortalyq uiymdastyrýǵa jumsaldy», - dedi QR Prezidenti janyndaǵy Memlekettik basqarý akademiiasynyń rektory Erlan Ábil.
