پرەزيدەنتتٸك جاستار كادر رەزەرۆٸنە ٷمٸتكەرلەردٸڭ اراسىندا جوعارى لاۋازىمدى تۇلعالاردىڭ تۋىستارى بار ما? ورتالىق كوممۋنيكاتسييالار قىزمەتٸندە ٶتكەن بريفينگٸدە قر مەملەكەتتٸك قىزمەت ٸستەرٸ اگەنتتٸگٸنٸڭ تٶراعاسى انار جايىلعانوۆاعا وسىنداي ساۋال قويىلدى, دەپ حابارلايدى قازاقپارات.
«يە, بٸز ول جاعىن مٸندەتتٸ تٷردە تەكسەرەمٸز. ولاردىڭ قاتارىندا جوعارى لاۋازىمدى شەنەۋنٸك تۋىسى بار كانديداتتار نەمەسە لاۋازىمدى تۇلعالاردىڭ بالالارى جوق. بٸز كەرٸسٸنشە مٷمكٸندٸگٸ جوق جاستارعا «ەلەۋمەتتٸك ليفت» ۇسىنعىمىز كەلەدٸ. نەگٸزٸ ولار كونكۋرسقا قاتىسىپ-اق مەملەكەتتٸك قىزمەتكە بارا الار ەدٸ. بٸراق پرەزيدەنتتٸك جاستار كادر رەزەرۆٸ ارقىلى ٶتكٸسٸ كەلسە, نەگە بولماسقا? بٸزدە كادر رەزەرۆٸنە ٶتكەن ادامداردىڭ اراسىندا جوعارى لاۋازىمدى شەنەۋنٸكتەردٸڭ بالالارى جوق», - دەدٸ انار جايىلعانوۆا.
شارا بارىسىندا بيىل پرەزيدەنتتٸڭ جاستار كادر رەزەرۆٸن ٸرٸكتەۋگە بيۋدجەتتەن 70 ملن تەڭگە جۇمسالعانى بەلگٸلٸ بولدى.
«2021 جىلى پرەزيدەنتتٸك جاستار كادر رەزەرۆٸن ٸرٸكتەۋ جۇمىسىن ۇيىمداستىرۋعا مەملەكەت بيۋدجەتٸنەن 70 ملن تەڭگەگە جۋىق قارجى بٶلٸنگەن. ول قاراجات ٸت-پلاتفورمانى دايىنداۋعا, ساراپشىلاردى تارتۋعا, اسسەسمەنت-ورتالىق ۇيىمداستىرۋعا جۇمسالدى», - دەدٸ قر پرەزيدەنتٸ جانىنداعى مەملەكەتتٸك باسقارۋ اكادەميياسىنىڭ رەكتورى ەرلان ەبٸل.
