Memlekettik qyzmetshiler barynsha úilesimdi jumys isteýi kerek. Bul týraly QR Memlekettik qyzmet isteri agenttiginiń tóraiymy Anar Jaiylǵanova aitty, dep habarlaidy QazAqparat.
«Dúniejúzilik densaýlyq saqtaý uiymynyń jańa koronaviýrs pandemiiasyn jariialaýyna jáne QR Prezidenti Qasym-Jomart Toqaevtyń tótenshe jaǵdai engizýine bailanysty memlekettik apparatqa halyq tynys-tirshiliginiń barlyq salasynyń úzdiksiz jumysyn qamtamasyz etý boiynsha úlken jaýapkershilik júktelgen. Búgin biz jańa talaptar jaǵdaiynda barynsha birlese otyryp, aldyn ala áreket etýimiz qajet. Buǵan bizdi Memleket basshysy shaqyrýda. Bul kúnderi azamattarymyzdyń halyqqa qyzmet kórsetý ortalyqtary men memlekettik mekemelerge júginbei qajetti kórsetiletin qyzmetter kólemin alýyn qamtamasyz etý úshin memlekettik qyzmetshiler barynsha úilesimdi jumys isteýi kerek», - dedi agenttik basshysy.
Onyń atap ótýinshe, qazirgi ýaqytta qyzmetterdi elektrondy formatqa kóshirý boiynsha memlekettik organdardyń belsendi qyzmetiniń arqasynda azamattar úiden shyqpai-aq elektrondy túrde 80 paiyzdan astam memlekettik qyzmetti alýǵa múmkindigi bar.
«Bul rette azamattardyń memlekettik qyzmetterdi qashyqtan alýy, sonyń ishinde ótinishterdi memlekettik organdardyń Call-ortalyqtary jáne oinlain arqyly qabyldaý úshin aqparattyq júieler men portaldardyń úzdiksiz jumys isteýine erekshe nazar aýdarý qajet», - dedi Anar Jaiylǵanova.
