Jýrnalist Jaina Jaqsylyqova "Habar" arnasynyń direktory laýazymyna taǵaiyndaldy. Bul týraly Berik Ýáli málimdedi, - dep habarlaidy "Ult aqparat".
"Búginnen bastap Jaqsylyqova Jaina Slambekqyzy “Habar” arnasynyń direktory laýazymyna taǵaiyndaldy. Jaina - jýrnalistikanyń óz jaýyngeri. Kórermen qaýym ony saraptamalyq baǵdarlamalardyń avtory ári júrgizýshisi retinde jaqsy tanidy", - dep jazdy ol Facebook-te.
Berik Ýáli áriptesin jańa qyzmetimen shyn júrekten quttyqtap, sáttilik tiledi.
"Habardyń" damýyna qosar úlesińiz zor bolady dep senemin!" dedi ol.
Jaina Slambekqyzy 1974 jyly 12 qarashada Qyzylorda oblysy, Qarmaqshy aýdany, Qýańdariia aýylynda dúniege kelgen.
Ál-Farabi atyndaǵy Qazaq Ulttyq ýniversitetiniń jýrnalistika fakýltetin aiaqtaǵan.
Eńbek jolyn ýniversitet bitirgen 1996 jyly jazda "Habar" agenttiginde tilshi bolyp bastaǵan. 2014 jyldyń aqpanyna deiin kommentator, atqarýshy prodiýser, telejúrgizýshi, aqparattyq-saraptamalyq baǵdarlamalar direktsiiasynyń direktory bolyp jumys istedi.
2014 jyldyń aqpanynan 2019 jyldyń shildesine deiin "Astana" telearnasynda "Bizdiń ýaqyt" aqparattyq-saraptamalyq baǵdarlamasynyń avtory ári júrgizýshisi boldy.
2019 jyldyń tamyzynan Apta baǵdarlamasynyń jetekshisi jáne júrgizýshisi.
Ol - Qazaqstan Jýrnalister odaǵy syilyǵynyń laýreaty (1999 jyl). Otandyq telejýrnalistikanyń damýyna qosqan úlesi úshin QR Prezidenti syilyǵymen marapattaldy (2019 jyl), sonymen birge "Tumar" ulttyq televiziia syilyǵynyń iegeri (2020 jyl).
Aita keteiik, Berik Ýáli buǵan deiin "Habar" agenttigi" AQ basqarma tóraǵasy bolyp taǵaiyndalǵan edi.
