Qazgidromet 9 shildege arnalǵan aýa raiy boljamyn jariialaidy, dep habarlaidy "Ult aqparat".
Respýblikanyń basym bóliginde ońtústik tsiklonnyń áserinen qubylmaly aýa raiy saqtalyp, naizaǵaimen jańbyr kútiledi. Batysta, soltústik-batysta qatty jańbyr jaýady. Elimizdiń tek qiyr soltústiginde jaýyn-shashynsyz aýa raiy kútiledi.
Respýblikanyń kei jerlerinde daýyl, burshaq, jeldiń kúsheiýi kútiledi, ońtústikte jáne batysta shańdy daýyl soǵady.
Aqmola oblysynda jel 15-25 m/s kúsheiedi, kei jerlerde burshaq, daýyl kútiledi.
Qostanai oblysynyń kei jerlerinde burshaq, daýyl kútiledi, túnde kei jerlerde, kúndiz basym bóliginde jel 15-20 m/s kúsheiedi, kúndiz ekpini 23-28 m/s jetedi. Qyzylorda oblysynda tańerteń jáne kúndiz daýyl, shańdy daýyl soǵyp, túnde kei jerlerde, kúndiz basym bóliginde jel 15-20 m/s kúsheiedi, kúndiz ekpini 25 m/s jetedi.
Atyraý oblysynyń kei jerlerinde shańdy daýyl kútiledi, basym bóliginde jel 15-20 m/s kúsheiedi.
Jambyl, Túrkistan, Aqtóbe, Batys Qazaqstan, Qaraǵandy, Soltústik Qazaqstan, Shyǵys Qazaqstan, kúndiz Pavlodar, Almaty oblystarynyń kei jerlerinde jel 15-25 m/s kúsheiedi, Batys Qazaqstan, Qaraǵandy, Túrkistan, Mańǵystaý oblystarynyń kei jerlerinde burshaq, shańdy daýyl kútiledi.
Kúndiz Almaty, Jambyl, Túrkistan oblystarynda qatty, kei jerlerinde óte qatty ystyq saqtalady. Qaraǵandy oblysynyń ońtústiginde qatty ystyq saqtalady.
Qyzylorda, Túrkistan, Mańǵystaý, Atyraý, Jambyl oblystarynyń basym bóliginde, Aqtóbe, Qostanai, Qaraǵandy, Batys Qazaqstan, Aqmola, Almaty oblystarynyń kei jerlerinde órt qaýpi joǵarlaidy.
