Almaty qalasynyń ákimi Baqytjan Saǵyntaev ««Nur Otan» partiiasynyń qoǵamdyq qabyldaýynda azamattardy qabyldady, dep habarlaidy "Ult aqparat".
«Nur Otan» partiiasynyń qoǵamdyq qabyldaýyndaǵy azamattardy kezekti qabyldaý kóptegen ótinishterdiń uzaq qaralatynyn, saldarynan turǵyndardyń jyldap tabanyna taýsylatynyn kórsetti. Aýdan ákimderi men basqarma basshylary ótinishterdi sapaly zerttep, qalalyqtarǵa olardyń sheshimin tabýyna kómektesýi tiis. Osy jumystar boiynsha memlekettik organdar jáne bastaýysh partiia uiymdarynyń qyzmetterin baǵalaimyn», – dep jazdy qala ákimi óziniń Instagram paraqshasynda.
Baqytjan Saǵyntaevtyń aitýynsha, azamattardy qabyldaǵan soń qalalyq filialdyń apparattyq jiyny ótken. Partiialyq baqylaýy injenerlik infraqurylym obektileriniń, kommýnikatsiialardyń joldar men áleýmettik obektiler qurylystarynyń kesteden tys qalýy jumysshy qoly men tehnika jetispeitin merdigerlerdiń jaýapsyzdyǵy saldarynan bolatynyn kórsetti.
«Partiia merdigerlerdiń jumysyn kúndelikti baqylaidy. «Bastaýyshtardyń» jumysyn kúsheitý úshin treningter ótkizemiz jáne aqparattyq jumysty kúsheitemiz, olar joq jerlerde bastaýysh partiia uiymdaryn quramyn», – dep qosty ol.
