Qarjylyq monitoring agenttiginiń Soltústik Qazaqstan oblysy boiynsha aýmaqtyq departamenti antisanitariialyq jaǵdaida qoldan jasalǵan alkogoldik ónimderdi óndiretin jasyryn tseh qyzmetiniń jolyn kesti, dep habarlaidy QazAqparat.
Vedomstvonyń málimetinshe, Petropavl qalasynyń turǵyny qala ortalyǵyndaǵy garaj kooperativteriniń birinde sýrrogat ónimin jasap, halyqqa ótkizgen.
«Tintý kezinde jalǵan esepke alý-baqylaý tańbalary bar 8 myńnan astam alkogol ónimi jáne quramynda spirti bar suiyqtyq quiylǵan 600-ge jýyq bes litrlik plastik ydystar, sondai-aq bos ydystar, qaqpaqtar, hosh iistendirgish kontsentrat pen sýrrogat toltyrýǵa arnalǵan arnaiy qurylǵy tabylyp, tárkilendi», - dep jazdy agenttikten.
Atalǵan fakti boiynsha sotqa deiingi tergeý bastaldy.
