Ulttyq biryńǵai testileýge tyiym salynǵan zattardy kirgizý áreketteri men UBT erejesin buzý faktileri birshama azaidy, dep habarlaidy "Ult aqparat".
Máselen, ótken jyly 1296 túlek UBT-ǵa tyiym salynǵan zattardy alyp ótýge tyryssa, biyl mundai 756 jaǵdai tirkeldi.
Bul ótken jyly ereje buzýǵa tyrysqan qatysýshylardy testileýge jibermeý týraly normanyń engizilýi men árbir testilenýshi úshin beinebaqylaý kameralaryn ornatýmen bailanysty.
«Sonymen qatar testileý kezinde erejelerdi buzǵany úshin 1305 adam aýditoriiadan shyǵarylyp, nátijeleri joiyldy. Sonymen birge biz barlyq beinejazbaǵa taldaý jasaimyz. Bul úshin taǵy eki ai bar. Eger tyiym salynǵan zattardy paidalaný faktileri anyqtalsa, talapker bilim berý grantynan aiyrylady. Ótken jyly biz bul normany alǵash ret qoldanyp, 100-den astam túlek granttan aiyryldy. UBT-ǵa daiyndyq jáne tapsyrý barysynda biz talapkerlerdi birneshe ret akademiialyq adaldyqqa shaqyrdyq. Bul olarǵa bolashaqta jaqsy maman bolýǵa múmkindik beredi. Álemdik tájiribe kórsetip otyrǵandai, ereje buzýshylarǵa qatysty odan da qatań sharalar qoldanylady. Óitkeni bolashaqta mundai mamandar halyqty emdep, balalarymyzǵa bilim beredi», – dep málimdedi OKQ brifinginde QR BǴM Ulttyq testileý ortalyǵy direktorynyń m.a. Naýjan Didarbekova.
Ótken jyly beinejazbalar boiynsha taldaý júrgizilip, 152 testilenýshiniń, onyń ishinde 100 grant iegeriniń nátijesi joiyldy.
Anyqtalǵan buzýshylyqtar saldarynan bul stýdentter joo-da oqý múmkindiginen aiyryldy. Biyl UBT tapsyrý pýnktterinde alǵash ret úsh satyly tulǵany anyqtaý júiesi engizildi.
Test tapsyrýshylar jeke kýáligin usynyp, Face-ID júiesi arqyly tekserildi.
Sondai-aq árbir testilenýshiniń aldynda kamera ornatyldy.
Osy sharalardyń barlyǵy testileýdi tapsyrý rásiminiń ashyqtyǵyn qamtamasyz etti.
«Test tapsyrýǵa óz ornyna bógde adamdardy kirgizýge tyrysqandar da boldy. Eger ótken jyly osyndai 7 fakti anyqtalsa, biyl Face-ID júiesi men baqylaýdy kúsheitýdiń nátijesinde 18 jaǵdai anyqtaldy. Máselen, 4 talapkerdiń ornyna testileýge elordalyq eki joǵary oqý ornynyń 4 stýdenti qatyspaq bolǵan. Bul úshin tipti jalǵan qujattar jasatqan. Testilenýshiler men testileýge kirýge talpynǵan bógde tulǵalar boiynsha barlyq derek quqyq qorǵaý organdaryna jiberildi. Olarǵa qatysty qylmystyq is qozǵaldy», – dedi Naýjan Didarbekova.
Testileý barysynda keibir talapkerlerden jasyryn kameralar, shaǵyn qulaqqaptar, smartfondar jáne basqa da tyiym salynǵan zattar tárkilendi.
UBT-2021 qaýipsizdik sharalary men karantin talaptaryn saqtai otyryp, qalypty rejimde ótti.
Bilim grantyn taǵaiyndaýdyń sońǵy nátijesi tamyz aiynda belgili bolady.
