Qyzylorda oblysy ákimi Qyrymbek Kósherbaev pen «Halyqaralyq jasyl tehnologiialar jáne investitsiialyq jobalar ortalyǵy» kommertsiialyq emes aktsionerlik qoǵamynyń basshysy Rapil Joshybaev áriptestik týraly Memorandýmǵa qol qoidy.
Qyzylorda oblysyna «Halyqaralyq jasyl tehnologiialar jáne investitsiialyq jobalar ortalyǵy» KE AQ delegatsiiasy issaparmen keldi. Sapar barysynda delegatsiia músheleri Syr óńirinde «jasyl» tehnologiialardy engizý jóninde májilis pen Qyzylorda oblysynda innovatsiialyq tehnologiialardy engizý boiynsha áriptestik týraly Memorandýmǵa qol qoiý rásimine qatysyp, aimaqtyń birqatar nysanyn aralady.
Májilisti ashqan oblys ákimi Qyrymbek Kósherbaev óńirde «jasyl» ekonomikaǵa kóshý jáne investitsiialardy tartý boiynsha júrgizilip jatqan jumystardy atap ótti.
«Jasyl» ekonomikaǵa kóshý jónindegi tujyrymdamaǵa sáikes oblysymyzda 7 baǵyt boiynsha jumys júrgizilip jatyr. Oblystyq biýdjetten Qazaly jáne Qarmaqshy aýdandarynda qatty turmystyq qaldyqtar poligonyn salýǵa qajetti qarajat bólindi. Ózderińiz biletindei, Elbasynyń Joldaýynan týyndaǵan basty mindetteriniń biri – investitsiialardy tartý. Osy maqsatta oblysymyzda barlyq qyzmetterdi bir jerden alýǵa múmkindik beretin biryńǵai Kásipkerlerge qyzmet kórsetý ortalyǵy jumys isteidi. 2018 j. 5 aiynda negizgi kapitalǵa tartylǵan investitsiialar kólemi 15,4 paiyzǵa ósip, 65,9 mlrd.teńgeni qurady», - dedi aimaq basshysy.
Atap óteiik, Kásipkerlerge qyzmet kórsetý ortalyǵynyń jumysy tolyqtai avtomattandyrylǵan, sondyqtan tehnikalyq sharttardy usyný merzimi 1 aidan 3 jumys kúnine deiin qysqardy.
Máselen, 7 baǵyt sheńberinde elektr qýatyn únemdeý salasynda qyzý shamdaryn qýat únemdeitin shamdarǵa aýystyrý jumystary belsendi júrgizilip, nátijesinde kóshe jaryqtandyrý shyǵyndary 12 % azaidy. Qaldyqtardy basqarý salasynda qatty turmystyq qaldyqtardy qaita óndeitin kompaniialar paidalanylǵan avtokólik dóńgelekterin qaita óndep, trotýar plitalary men cherepitsa shyǵaryp, rezeńke untaǵy men tamshylatyp sýarý úshin paidalanylatyn jerasty qubyrlarynyń óndirisin qolǵa aldy jáne t.b.
«EKSPO-2017» kórmesi kezinde tanystyrylǵan jobalar aiasynda oblysta osy jobalardy júzege asyrý jumystary júrgizilip jatyr. Máselen, atom (ýran) ónerkásibi salasynda - 4 tehnologiia («Qyzylqum» JShS, «RÝ-6» JShS, «Baiken-U» JShS, «Semizbai-U» JShS), ekologiia salasynda – 2 tehnologiia («Barsakelmes» qoryǵy, orman sharýashylyǵy); turǵyn úi-kommýnaldyq sharýashylyq salasynda – 1 joba (KETK). Atap aitqanda, «KETK» AQ (elektr júieleri kompaniiasy) men «Siemens» kompaniiasy arasynda «Smart grid» qýatty únemdeý tehnologiiasyn engizý týraly kelisimge qol qoiyldy.
Óz kezeginde, Rapil Joshybaev Halyqaralyq jasyl tehnologiialar jáne investitsiialyq jobalar ortalyǵynyń «jasyl» jáne jańartylmaly qýat kózderi, qýat tiimdiligi men qýatty únemdeý, qatty turmystyq qaldyqtardy basqarý, turǵyn úi-kommýnaldyq sharýashylyǵy men aýyl sharýashylyǵy máseleleri boiynsha jergilikti atqarýshy organdarmen áriptestik ornatýdyń mańyzdylyǵyn atap ótti.
«Tehnikalyq jáne ákimshilik qoldaý, sondai-aq, jasyl investitsiialyq jobalardy súiemeldeý aiasynda ortalyq Qazaqstan aimaqtarynda «biryńǵai tereze» qaǵidasymen jumys isteitin bolady. Sonymen qatar, jasyl tehnologiialar reestrin qalyptastyrý jáne júrgizý, al jergilikti atqarýshy organdarymen ózara áreket etý aiasynda óńirlik «jasyl jobalar kartasyn» ázirleý josparlanýda. Bul jumys QR aimaqtarynda áleýetti tómen kómirtekti jobalardy anyqtap, jasyl jobalardy irikteý ári júzege asyrý maqsatynda biznes úshin tuǵyrnama jasaqtaýǵa jol ashady» , - dedi Rapil Joshybaev.
Jiyn qorytyndysymen Qyzylorda oblysynda «jasyl tehnologiialardy» engizý jáne investitsiialardy, onyń ishinde halyqaralyq investitsiialardy tartý jóninde memorandýmǵa qol qoiyldy. Memorandým turaqty damý, ekologiia, «jasyl» energetika men jańartylmaly qýat kózderi, qýatty únemdeý jáne tiimdi paidalaný, tsifrlandyrý, qatty turmystyq qaldyqtardy óndeý jáne aýyl sharýashylyǵynyń turaqty damýy salasynda jobalardy júzege asyrý máseleleri boiynsha ózara áreket etýdi kózdeidi.
Qyzylorda oblysyna jumys sapary aiasynda delegatsiia músheleri Syrdariianyń sol jaǵalaýyndaǵy jańa qala nysandaryn, avtokólik shinalaryn óndeýmen ainalysatyn «Smart Rabber» JShS, jáne oblys ortalyǵynyń birqatar óndiristik, áleýmettik jáne mádeni nysandaryn aralady.
