Nikolas Keidj Qazaqstannan ketti, - dep habarlaidy kaz.tengrinews.kz tilshisi Astananyń media ortalyǵyna silteme jasap.
Amerikalyq akter Astanada "Almas qylysh" filminiń prodiýseri men rejisseri Rústem Ábdirashevpen kezdeskeni habarlanyp otyr. Akterdiń sózinshe, oǵan qazaq mádenietimen tanysý qyzyqty bolǵan.
Akter qazaqstandyq rejisserlerge jańa ideia usynǵan. Onyń pikinrinshe, Gollivýd juldyzdarynyń Qazaqstanǵa kelýi týraly oqiǵa kino kórsetilimine oń áser etýi múmkin.
Astana media ortalyǵyna bergen suhbatynda áigili akter qazaqstardyń qonaqjailyǵyn atap ótti. Osylaisha Keidj jasyl shapan jamylyp turyp, qazaqstandyqtarǵa óz alǵysyn bildirdi.
Eske salaiyq, Gollivýd akteri, prodiýser jáne rejisser Nikolas Keidj Astanaǵa 22 shildede "Eýraziia" kinofestivaliniń qonaǵy retinde keldi. Onyń shapan kigen sýreti áleýmettik jelide jyldam tarap, memge ainalyp ketti. Jeli qoldanýshylary akterdiń túri abdyryp, ashýlanyp turǵandai syńaida ekenin aitady.
