Búgin ekologiia ministri Serikqali Brekeshev qoǵam jáne memlekettik organ ókilderiniń qatysýymen «Óndirýshilerdiń keńeitilgen mindettemeleri operatory» JShS toqtatylýyna jáne onyń fýnktsiialaryn memlekettik uiym – «Jasyl damý» AQ-ǵa berýge bailanysty jumys tobynyń alǵashqy otyrysyn ótkizip, onda kádege jaratý alymyn ákimshilendirý máselelerin qarastyrdy, dep habarlaidy "Ult aqparat" ministrliktiń baspasóz qyzmetine silteme jasap.
Aita keterligi, Úkimettiń sheshimine sáikes «ÓKM Operatory» JShS jarǵylyq kapitalyna qatysýdyń júz paiyzdyq úlesi memleket menshigine qabyldanǵan bolatyn.
Mundai sheshim aktsionerlik qoǵam túrindegi uiymdyq-quqyqtyq nysan ÓKM Memlekettik operatory qyzmetiniń barynsha ashyqtyǵyn jáne eseptiligin qamtamasyz etýge múmkindik beretindigi negizinde qabyldandy.
Bul rette «Jasyl damý» qaldyqtardy basqarýda tájiribesi bar ekologiia salasyndaǵy jalǵyz aktsionerlik qoǵam. Ol óz tarihy 1951 jyldan bastaý alatyn «Qazaq ekologiia jáne klimat ǵylymi-zertteý institýty» RMK-ny qaita qurý jolymen 2012 jyly qurylǵan bolatyn.
«Jasyl damý» Ekologiia, geologiia jáne tabiǵi resýrstar ministrliginiń vedomstvolyq baǵynysty uiymy jáne memlekettiń qatysý úlesi 100%-dy quraidy. Iaǵni, aktsionerlik qoǵam quramynda basqa jeke jáne zańdy tulǵalar joq.
«Jasyl damý» AQ-ǵa «ÓKM Operatory» JShS-niń kádege jaratý tólemin jinaý, avtoóndirýshilerdi yntalandyrý, aýyl sharýashylyǵy tehnikasyna jeńildik sertifikattaryn (vaýcherler) berý, isten shyqqan kólik quraldaryn tapsyrǵany úshin ótemaqy tóleý, qaldyqtardy jinaýshylardy, tasymaldaýshylardy jáne kádege jaratýshylardy sýbsidiialaý siiaqty barlyq fýnktsiialary Ekokodekske sai berildi.
Alynǵan kádege jaratý tólemderi Ekologiialyq kodekste kórsetilgen baǵyttar boiynsha qatań túrde jumsalady.
Ministr óz sózinde: «ÓKM qaǵidatyn engizý eń aldymen, biznestiń qarjylyq turaqtylyǵyn qamtamasyz etý tetikterin qurý esebinen qaldyqtarmen jumys isteý salasynda eldegi problemalyq máselelerdi sheshýge áser etti. Búginde biz qaldyqtardy qaita óńdeý úlesiniń 2016 jylǵy 2,6%-dan 2021 jyly 21%-ǵa deiin artqanyn kórip otyrmyz, osy kezeńde 264 myń tonna qaptama qaldyqtary, 310 myń tonna avtomobil bólshekteriniń qaldyqtary jinalyp, kádege jaratyldy», dep atap ótti.
Qazirgi ýaqytta «Jasyl damý» AQ ekinshi deńgeili bankterde shottar ashyp, sondai-aq tólem júielerine ózgerister engizýde. Dúisenbiden bastap, iaǵni biylǵy jyldyń 24 qańtarynan bastap «Jasyl damý» AQ kádege jaratý tólemderin qabyldaý boiynsha jumystary jandanady.
Sondai-aq, aýyl sharýashylyǵy tehnikasyna buryn berilgen jeńildik sertifikattary (vaýcherler) jaramdy jáne kelesi aptadan bastap jańa operator burynǵy ÓKM Operatorynyń saity arqyly isten shyqqan kólikterdi jetkizýge ótinimderdi qabyldai bastaidy. Eski kólikterdi qabyldaý pýnktteri de qaita ashylady.
Sondai-aq, vedomstvo basshysy aýyl sharýashylyǵy tehnikasyna jeńildik sertifikattary (vaýcherler) beriletin soma, sondai-aq isten shyqqan kólik quraldaryn tapsyrǵany úshin ótemaqy tólemderi kádege jaratý alymynyń mólsherlemelerin qaita qaraýdy eskere otyryp, túzetiletinin aitty. Kádege jaratý alymynyń mólsherlemelerin qaita qaraýdy Vedomstvoaralyq jumys toby júrgizedi, onyń quramyna qoǵam ókilderi de kiredi.
Talqylaýlardy eskere otyryp, stavkalar boiynsha aǵymdaǵy jyldyń aqpan aiynyń sońyna deiin Ekologiia, geologiia jáne tabiǵi resýrstar ministriniń «Kádege jaratý tólemin esepteý ádistemesin bekitý týraly» buiryǵyna ózgerister engiziletin bolady.
Budan basqa, ÓKM tetiginiń ashyqtyǵyn júzege asyrý maqsatynda múddeli taraptarmen birlesip, ÓKM operatorynyń qyzmetin damytý strategiiasy jáne investitsiialyq saiasat, qoldanystaǵy rásimderdi ońailatý boiynsha qoldanystaǵy talaptar qaita qaralatyn bolady.
