بٷگٸن ەكولوگييا مينيسترٸ سەرٸكقالي برەكەشەۆ قوعام جەنە مەملەكەتتٸك ورگان ٶكٸلدەرٸنٸڭ قاتىسۋىمەن «ٶندٸرۋشٸلەردٸڭ كەڭەيتٸلگەن مٸندەتتەمەلەرٸ وپەراتورى» جشس توقتاتىلۋىنا جەنە ونىڭ فۋنكتسييالارىن مەملەكەتتٸك ۇيىم – «جاسىل دامۋ» اق-عا بەرۋگە بايلانىستى جۇمىس توبىنىڭ العاشقى وتىرىسىن ٶتكٸزٸپ, وندا كەدەگە جاراتۋ الىمىن ەكٸمشٸلەندٸرۋ مەسەلەلەرٸن قاراستىردى, دەپ حابارلايدى "ۇلت اقپارات" مينيسترلٸكتٸڭ باسپاسٶز قىزمەتٸنە سٸلتەمە جاساپ.
ايتا كەتەرلٸگٸ, ٷكٸمەتتٸڭ شەشٸمٸنە سەيكەس «ٶكم وپەراتورى» جشس جارعىلىق كاپيتالىنا قاتىسۋدىڭ جٷز پايىزدىق ٷلەسٸ مەملەكەت مەنشٸگٸنە قابىلدانعان بولاتىن.
مۇنداي شەشٸم اكتسيونەرلٸك قوعام تٷرٸندەگٸ ۇيىمدىق-قۇقىقتىق نىسان ٶكم مەملەكەتتٸك وپەراتورى قىزمەتٸنٸڭ بارىنشا اشىقتىعىن جەنە ەسەپتٸلٸگٸن قامتاماسىز ەتۋگە مٷمكٸندٸك بەرەتٸندٸگٸ نەگٸزٸندە قابىلداندى.
بۇل رەتتە «جاسىل دامۋ» قالدىقتاردى باسقارۋدا تەجٸريبەسٸ بار ەكولوگييا سالاسىنداعى جالعىز اكتسيونەرلٸك قوعام. ول ٶز تاريحى 1951 جىلدان باستاۋ الاتىن «قازاق ەكولوگييا جەنە كليمات عىلىمي-زەرتتەۋ ينستيتۋتى» رمك-نى قايتا قۇرۋ جولىمەن 2012 جىلى قۇرىلعان بولاتىن.
«جاسىل دامۋ» ەكولوگييا, گەولوگييا جەنە تابيعي رەسۋرستار مينيسترلٸگٸنٸڭ ۆەدومستۆولىق باعىنىستى ۇيىمى جەنە مەملەكەتتٸڭ قاتىسۋ ٷلەسٸ 100%-دى قۇرايدى. ياعني, اكتسيونەرلٸك قوعام قۇرامىندا باسقا جەكە جەنە زاڭدى تۇلعالار جوق.
«جاسىل دامۋ» اق-عا «ٶكم وپەراتورى» جشس-نٸڭ كەدەگە جاراتۋ تٶلەمٸن جيناۋ, اۆتوٶندٸرۋشٸلەردٸ ىنتالاندىرۋ, اۋىل شارۋاشىلىعى تەحنيكاسىنا جەڭٸلدٸك سەرتيفيكاتتارىن (ۆاۋچەرلەر) بەرۋ, ٸستەن شىققان كٶلٸك قۇرالدارىن تاپسىرعانى ٷشٸن ٶتەماقى تٶلەۋ, قالدىقتاردى جيناۋشىلاردى, تاسىمالداۋشىلاردى جەنە كەدەگە جاراتۋشىلاردى سۋبسيدييالاۋ سيياقتى بارلىق فۋنكتسييالارى ەكوكودەكسكە ساي بەرٸلدٸ.
الىنعان كەدەگە جاراتۋ تٶلەمدەرٸ ەكولوگييالىق كودەكستە كٶرسەتٸلگەن باعىتتار بويىنشا قاتاڭ تٷردە جۇمسالادى.
مينيستر ٶز سٶزٸندە: «ٶكم قاعيداتىن ەنگٸزۋ ەڭ الدىمەن, بيزنەستٸڭ قارجىلىق تۇراقتىلىعىن قامتاماسىز ەتۋ تەتٸكتەرٸن قۇرۋ ەسەبٸنەن قالدىقتارمەن جۇمىس ٸستەۋ سالاسىندا ەلدەگٸ پروبلەمالىق مەسەلەلەردٸ شەشۋگە ەسەر ەتتٸ. بٷگٸندە بٸز قالدىقتاردى قايتا ٶڭدەۋ ٷلەسٸنٸڭ 2016 جىلعى 2,6%-دان 2021 جىلى 21%-عا دەيٸن ارتقانىن كٶرٸپ وتىرمىز, وسى كەزەڭدە 264 مىڭ توننا قاپتاما قالدىقتارى, 310 مىڭ توننا اۆتوموبيل بٶلشەكتەرٸنٸڭ قالدىقتارى جينالىپ, كەدەگە جاراتىلدى», دەپ اتاپ ٶتتٸ.
قازٸرگٸ ۋاقىتتا «جاسىل دامۋ» اق ەكٸنشٸ دەڭگەيلٸ بانكتەردە شوتتار اشىپ, سونداي-اق تٶلەم جٷيەلەرٸنە ٶزگەرٸستەر ەنگٸزۋدە. دٷيسەنبٸدەن باستاپ, ياعني بيىلعى جىلدىڭ 24 قاڭتارىنان باستاپ «جاسىل دامۋ» اق كەدەگە جاراتۋ تٶلەمدەرٸن قابىلداۋ بويىنشا جۇمىستارى جاندانادى.
سونداي-اق, اۋىل شارۋاشىلىعى تەحنيكاسىنا بۇرىن بەرٸلگەن جەڭٸلدٸك سەرتيفيكاتتارى (ۆاۋچەرلەر) جارامدى جەنە كەلەسٸ اپتادان باستاپ جاڭا وپەراتور بۇرىنعى ٶكم وپەراتورىنىڭ سايتى ارقىلى ٸستەن شىققان كٶلٸكتەردٸ جەتكٸزۋگە ٶتٸنٸمدەردٸ قابىلداي باستايدى. ەسكٸ كٶلٸكتەردٸ قابىلداۋ پۋنكتتەرٸ دە قايتا اشىلادى.
سونداي-اق, ۆەدومستۆو باسشىسى اۋىل شارۋاشىلىعى تەحنيكاسىنا جەڭٸلدٸك سەرتيفيكاتتارى (ۆاۋچەرلەر) بەرٸلەتٸن سوما, سونداي-اق ٸستەن شىققان كٶلٸك قۇرالدارىن تاپسىرعانى ٷشٸن ٶتەماقى تٶلەمدەرٸ كەدەگە جاراتۋ الىمىنىڭ مٶلشەرلەمەلەرٸن قايتا قاراۋدى ەسكەرە وتىرىپ, تٷزەتٸلەتٸنٸن ايتتى. كەدەگە جاراتۋ الىمىنىڭ مٶلشەرلەمەلەرٸن قايتا قاراۋدى ۆەدومستۆوارالىق جۇمىس توبى جٷرگٸزەدٸ, ونىڭ قۇرامىنا قوعام ٶكٸلدەرٸ دە كٸرەدٸ.
تالقىلاۋلاردى ەسكەرە وتىرىپ, ستاۆكالار بويىنشا اعىمداعى جىلدىڭ اقپان ايىنىڭ سوڭىنا دەيٸن ەكولوگييا, گەولوگييا جەنە تابيعي رەسۋرستار مينيسترٸنٸڭ «كەدەگە جاراتۋ تٶلەمٸن ەسەپتەۋ ەدٸستەمەسٸن بەكٸتۋ تۋرالى» بۇيرىعىنا ٶزگەرٸستەر ەنگٸزٸلەتٸن بولادى.
بۇدان باسقا, ٶكم تەتٸگٸنٸڭ اشىقتىعىن جٷزەگە اسىرۋ ماقساتىندا مٷددەلٸ تاراپتارمەن بٸرلەسٸپ, ٶكم وپەراتورىنىڭ قىزمەتٸن دامىتۋ ستراتەگيياسى جەنە ينۆەستيتسييالىق ساياسات, قولدانىستاعى رەسٸمدەردٸ وڭايلاتۋ بويىنشا قولدانىستاعى تالاپتار قايتا قارالاتىن بولادى.
