Elbasy usynǵan bes áleýmettik bastama - ýaqytyly qolǵan alynǵan optimistik ózgeristerdiń basy hám elimizdi damýdyń jańa satysyna shyǵaratyn tyń joba, aýqymdy qadam. Eń bastysy, bul baǵdarlama - bútin eldiń, iaǵni qoǵamnyń qai satysyndaǵy bolmasyn halyqtyń igiligi úshin jasalǵan josparlar jiyny.
Prezidentimiz jańa áleýmettik bastamalar ártúrli ult pen ulystyń basyn qosqan qoǵamymyzdyń áleýmettik birligin nyǵaitýǵa, árbir qazaqstandyqtyń ál-aýqatyn jaqsarta túsýge baǵyttalǵanyn jáne elimizdiń barsha azamattaryna igi áser etetinin taiǵa tańba basqandai atap ótken-tin. Sózsiz, bul baǵdarlamanyń nátijesi - birligimiz ben tatýlyǵymyzdyń kúshine de bailanysty. Al, ol - isinde birlik, sózinde teńdik bar birtutas qoǵamnyń ustyny qazaq halqy bolmaq. Sondyqtan Memleket basshysy osy isterde uly jaýapkershilik júgi jatqanyn sezinip, barsha ulystardyń uiytqysy bolyp, ózgege ónege kórsetýdi surady.
Ár bastamanyń mańyzy men ákeler igiligi birdei. Sol sebepti barlyǵynyń da oń tustaryn tarqatyp jatýǵa bolar edi. Degenmen, jas býyn ókili retinde úshinshi bastamaǵa erek qýanǵanymdy jasyra almaimyn. Prezident bul biregei baǵdarlama arqyly eshkimdi bóle-jarmaitynyn, qoǵamnyń qai ókiliniń jaǵdaiyna kóńil bólýge daiar ekenin anyq baiqatty. Óitkeni ol bes áleýmettik bastamanyń úshinshisinde «Joǵary bilim alýdyń qoljetimdiligi men sapasyn arttyryp, stýdent jastardyń jataqhanadaǵy jaǵdaiyn jaqsartý» týraly naqty tapsyrmalar berdi. Ol tapsyrmalar búgingi kúni júzege asyp jatqanyna da ózimiz kýámiz.
Jalpy bilim granttaryn arttyrý, onyń ishinde tórtinshi ónerkásiptik revoliýtsiia jaǵdaiyndaǵy jańa ekonomikada kóp suranysqa ie bolatyn tehnikalyq mamandyqtar boiynsha bakalavrlyq bilim berýge tiesili 11 myń qosymsha grant bólý, tehnikalyq jáne aýyl sharýashylyǵy mamandyqtary boiynsha eldegi barlyq joǵary oqý oryndary granttarynyń qunyn ulttyq joǵary oqý oryndarynyń granttary deńgeiine deiin kóterý, 4 jyl ishinde keminde 75 myń oryndyq jańa jataqhanalar salý - munyń bári jastarǵa zor múmkindik, olardyń jarqyn bolashaǵy úshin salynatyn tiimdi de kólemdi investitsiia.
"Prezidenttiń bes áleýmettik bastamasyn" iske asyrýdy baqylaý boiynsha qoǵamdyq keńestiń tóraǵasy, senator Baqytjan Jumaǵulov "Aiqyn" gazetine bergen suhbatynda bul baǵdarlamany júzege asyrý úshin memlekette barlyq qajetti zańnamalyq jáne qarjylyq baza bar ekenin aitady. Sonymen qatar ol, "partiia aldyna qoiylǵan negizgi mindet – qoǵamdyq baqylaýdy qamtamasyz etý men memlekettik organdardyń prezidenttik bastamalardy tiimdi jáne mezgilinde oryndaýyna yqpalyn tigizý" ekenin tilge tiek etken.
Óz ýaqytynda ál-Farabi atyndaǵy Qazaq Ulttyq ýniversitetin basqarǵan senatordyń aitýynsha, úshinshi áleýmettik bastama - eń mańyzdy baǵyttardyń biri. Úsh jylda tehnikalyq jáne aýyl sharýashylyǵy mamandary boiynsha granttardyń baǵasyn kóterý adam kapitaly sapasyn jaqsartýǵa arnalǵan 100 mlrd teńgeden astam qosymsha salym bolyp tabylady. Sonymen birge, 20 myń qosymsha grant jataqhana sany men bilim sapasynyń da eselenip ósýine áser etip, ulttyń básekege qabilettiligin arttyra túspek.
"Osy máseleni talqylaý barysynda jariia etilgen Memleket basshysynyń tapsyrmalary – mamandardy daiyndaýǵa arnalǵan granttardy ádiletti bólý qaǵidasy, búgingi tańda ol Qazaqstandy tsifrlandyrý úshin kerek IT mamandaryn daiyndaý úshin aýadai qajet. Jataqhana qurylystaryn salý máselesinde de qajetti jerlerge resýrstardy ádiletti bólý atap ótildi. Sonymen birge, monitoring barysynda bizdiń keńestiń jumysshy toby ár joǵary oqý orny men kolledjder boiynsha jataqhanalardan oryn qajettigine zárý, sondai-aq jer telimderin belgileý boiynsha udaiy monitoringti, injenerlik kommýnatsiialardyń jetkizilýin, investorlardy tartý men qoldaý qajettiligin qamtamasyz etetin jataqhana qurylysynyń Jol kartasyn ázirleý jónindegi ákimdikterdiń jumysyn jandandyrýǵa bailanysty usynystar engizdi" - deidi Baqytjan Tursynuly óz sózinde.
Biz de, óz kezegimizde, bul bastamalardan úlken úmit kútemiz. Elbasymyz qai kezde de álemdik standarttarǵa sai bilim berý júiesin qalyptastyrýdyń mańyzy men paidasyn aityp júredi jáne sol jolda bizge barlyq múmkindikterdi jasap jatyr. Onyń jastarǵa degen osyndai janashyrlyǵy men shynaiy kómegi jemissiz jáne nátijesiz bolmaidy dep senemin. Uly Dala Eliniń bolashaǵy - bizdiń qolymyzda. Al, mundai qadamdarmen sát sanap ósip-órkendegen Qazaqstannyń aldaǵy onjyldyqta damyǵan 30 eldiń qatarynan kórineri anyq.
Bekbolat Qarjan, Oral qalasy
