QR Densaýlyq saqtaý ministrligi men BUU Turǵyn halyq salasyndaǵy (IýNFPA) qory jasóspirimder men olardyń ata-analary úshin reprodýktivti densaýlyq týraly aqparat beretin bailanys paketin iske qosty, dep habarlaidy "Ult aqparat".
Osylaisha, arnaiy veb-sait, mobildi qosymsha jáne Telegram kanalyndaǵy chat-bot iske qosylady. Bul quraldar Úkimet qoldaýymen jastardyń densaýlyǵy men ál-aýqatyna investitsiia salýdy jalǵastyrý maqsatynda jasalǵan. Atalmysh joba ulttyq strategiialarda kórsetilgen, sonymen qatar Nairobi sammitinde jariialanǵan jastarǵa qyzmet kórsetý júiesin nyǵaitý jáne institýttandyrý qadamdarynyń biri sanalady.
Bailanys ónimderinen basqa, jastarǵa kórsetiletin qyzmetterdi kúsheitý maqsatynda turaqty damý strategiiasyn ázirleýmen qatar eldegi Jastar densaýlyq ortalyqtaryn (JDO) qarjylandyrý kózdelip otyr.
«Jastar densaýlyq ortalyǵy kámeletke tolmaǵandarǵa meditsinalyq-psihologiialyq kómek kórsetetin densaýlyq saqtaý sýbektilerine ainalady Olardyń basty maqsaty – jasóspirimder men jastar arasynda salaýatty ómir saltyn nasihattaý jáne reprodýktivti densaýlyqty qorǵaý, onyń ishinde erte jynystyq belsendiliktiń aldyn alý, kontratseptivterdi qoldaný, erte júktiliktiń aldyn-alý, otbasyn josparlaý jáne jynystyq jolmen beriletin infektsiialar týraly aqparattandyrý», - dedi densaýlyq saqtaý vitse-ministri Ajar Ǵiniiat.
Densaýlyq saqtaý ministrligi IýNFPA-nyń qoldaýymen ótkizgen zertteýi kórsetkendei, 15-19 jas aralyǵyndaǵy jasóspirimderdiń 30%-y jynystyq qatynasta, biraq kópshiligi kontratseptsiiany paidalanbaidy. Al basym kópshiliginiń (90%) AQTQ jáne JQTB týraly jan-jaqty bilimi joq.
Taǵy bir zertteýde jastar men olardyń ata-analary jynystyq jáne reprodýktivti densaýlyq salasynda kóbirek aqparat qajet ekendigi týraly habarlaǵan. Sonymen qatar bul salada naqty aqparat alýda qiyndyqtar bar ekenin jetkizgen.
«Jastardyń jynystyq jáne reprodýktivti densaýlyǵyna investitsiia salý, sonymen qatar olardyń óz densaýlyǵy týraly sanaly sheshimder qabyldaý, óz quqyqtaryn túsindirý, jynystyq qolsuǵýshylyqtan bas tartý quqyǵy, konsýltatsiia alý quqyǵy, AITV-ny qosa alǵanda, jynystyq jolmen beriletin infektsiialardyń aldyn alý jáne emdeý quqyqtary men múmkindikterin keńeitýdi bildiredi. Búgin shyǵarylǵan kommýnikatsiialyq ónimder jastarǵa óz densaýlyǵyn qalai qorǵaýǵa jáne sanaly sheshim qabyldaýǵa múmkindik beretin taǵy bir qadam bolar dep úmittenemiz», - dedi BUU-nyń halyqty qonystandyrý salasyndaǵy qorynyń Qazaqstandaǵy ókili (IýNFPA), Qyrǵyzstan men Túrikmenstan úshin eldik direktory Djýliia Valeze.
«Shyn» dep atalatyn veb-sait, mobildi qosymsha jáne Telegram kanalyndaǵy chat-bot Qazaqstandaǵy IýNFPA-nyń tehnikalyq qoldaýymen jáne atalmysh uiymnyń Niý-Iorktegi páteriniń kómegimen, sondai-aq ulttyq sarapshylar tobymen birlese jasalǵan. Veb-sait, mobildi qosymsha jáne Telegram kanaldaǵy chat-bot qazaq jáne orys tilderinde qyzmet kórsetedi.
Bailanys ónimderine qalai qol jetkizýge bolady:
Veb-sait - https://shyn.kz/
Telegram kanalyndaǵy chatbot - @shynkzbot
«SShyn.kz� mobildi qosymshasyn PlayMarket-ten júktei alasyz.
