Jaqynda Elbasy N.Á.Nazarbaev biylǵy jyldy «Jastar jyly» dep jariialady. Bul el ómirindegi tarihi oqiǵa boldy. Jahandaný dáýirinde Qazaqstannyń jarqyn bolashaǵy jalyndy jastarǵa úlken jol ashylmaq. Azattyq aiasynda týyp jas memleketimizdiń jańa Astanasymen qatar qanat jaiyp ósip kele jatqan búgingi jastardyń rýhy biik, armany asqaq. «El bolamyn deseń, besigińdi túze» degendei, irgesin bekitip, álemge tanylyp otyrǵan bizdiń elimiz úshin daryndy, bilimdi, jigerli urpaqtardyń orny tipten bólek.
Endeshe «Jastar jyly» aiasynda Astana qalasy ákimdiginiń qoldaýymen Sáken Seifýllin mýzeii dástúrli respýblikalyq aqyndar músháirasyn jariialaidy. Elimizdiń 35 jasqa deiingi jas aqyndaryn alaman jyr báigesine qatysyp, óz baqtaryn synaýǵa shaqyrady.
Músháira taqyryby «Jastyqtyń oty jalyndap...». Hákim Abai sózin alǵa tartyp otyrmyz. Jastar - qai zamanda bolmasyn asqaq arman men úmit, biik ar men ór namystyń simvoly.
Arystandai aibatty,
Jolbarystai qairatty –
Qyrandai kúshti qanatty.
Men jastarǵa senemin! – dep keshe Maǵjan jyrlaǵan jastar búginde ádebiet áleminde ózindik órnegin salyp, qalyptasyp keledi. Jastar jyly aiasynda, talantty jastardy qoldaýdy ózimizge maqsat ettik.
Músháiraǵa elimizdiń 35 jasqa deiingi jas aqyndary qatysa alady.
Taqyrypqa shekteý joq. Uly dala tósinde máńgilik el bolýǵa qadam basqan qazaq eliniń búgingi jarqyn kelbetin, erteńgi urpaq muratymen ushtastyra jyrlaý aqyndardyń óz shabytyna bailanysty.
Endeshe júirikterdi jyr máresinde kútemiz!
Músháira júldeleriniń qarjylai kólemi óte qomaqty:
Bas júlde – bireý
Birinshi oryn – bireý
Ekinshi oryn - ekeý
Úshinshi oryn – úsheý
Yntalandyrý syilyǵy – beseý
Múshairaǵa esh jerde jaryq kórmegen tolǵaýlar, toptama óleńder 2019 jyldyń maýsym aiynyń 1 – ne deiin qabyldanady.
Múshaira qorytyndysy Astana kúni qarsańynda jariialanady. Úmitkerler shyǵarmasyn kompiýterde terip, 5 danasyn tómendegi meken – jaiǵa jiberý kerek nemese astanakalamger@mail.ru elektrondyq poshtaǵa joldaýǵa bolady.
Avtordyń aty-jóni, meken-jaiy, bailanys telefony, elektrondyq poshtasy(bar bolsa) mindetti túrde kórsetilýi kerek.
Indeks: 010000, Astana qalasy, M.Áýezov kóshesi 20 «a» úi, Sáken Seifýllin murajaiy. Tel. 8(7172)32-84-67, 53-34-03.
Júldegerlerdiń Astanaǵa kelip-ketýdegi barlyq shyǵynyn uiymdastyrýshy tarap moinyna almaidy.
