Qasym-Jomart Toqaevty qoldaý jónindegi Respýblikalyq qoǵamdyq shtabta «AMANAT» partiiasynyń «Jastar Rýhy» jastar qanaty uiymdastyrǵan «Bir Tolqynda» dialog alańynyń otyrysy ótti. Jastar uiymdarynyń kóshbasshylary, qoǵam qairatkerleri jáne Halyqtyq koalitsiiaǵa kirgen sportshylar qaýymdastyǵynyń ókilderi prezident sailaýynyń qorytyndysy jóninde óz pikirlerin bildirdi.
Sailaýaldy shtabta BAQ ókilderine arnalǵan baspasóz týry uiymdastyryldy. Olar úgit-nasihat jáne taldaý ortalyqtarynyń, kandidattyń qoǵamdyq qabyldaý bólmesiniń, media-shtabtyń, senimdi ókilderdiń jumysyn úilestirý ortalyǵynyń, baiqaýshylar shtaby men jastar sektorynyń qyzmetimen tanysty.
«Jastar Rýhy» jastar qanatynyń tóraǵasy Nurjan Jetpisbaev Halyqtyq koalitsiiadaǵy jastar blogynyń qyzmetin egjei-tegjeili túsindirdi.
«7,5 myńnan astam belsendi 3 mln-nan astam úgit-nasihat materialyn taratty. Olar tek únparaq taratyp qana qoimai, «Esikten esikke» aktsiiasyna, sailaýshylarmen ótken ekspromt-kezdesýlerge, azamattardyń usynystary men tilekterin qabyldaý isine atsalysty. Bul sailaýdyń bir ereksheligi sol, kandidattyń sailaýaldy baǵdarlamasyn ár sailaýshyǵa egjei-tegjeili túsindirip berý maqsatynda biz tek iri qalalarǵa ǵana emes, sonymen qatar shalǵai ornalasqan aýyldarǵa da bardyq», - dedi ol.
Ulttyq volonterler jelisiniń tóraǵasy, Májilistegi «AMANAT» partiiasynyń depýtaty Vera Kimniń pikirinshe, sailaý nátijesi Qasym-Jomart Toqaevtyń reformalar baǵytyna jalpyhalyqtyq qoldaý bar ekenin dáleldeidi.
«Kandidattyń sailaýaldy baǵdarlamasynyń negizgi maqsaty – halyqtyń ómir sapasyn jaqsartý. Ádilettilik qaǵidatyna sáikes, mártebesine, jynysyna nemese jasyna qaramastan, qazaqstandyqtar teń múmkindikter men quqyqtarǵa ie bolýy tiis. Sailaý qorytyndysy halyq Prezidentti qoldaitynyn kórsetti. Elimizdiń, sonymen qatar halyqaralyq baiqaýshylardyń oń pikiri sailaýdyń ashyq ári adal ótkenin aiqyndaidy», – dedi halyq qalaýlysy.
Óz kezeginde, Olimpiada chempiony, QR Ulttyq Olimpiadalyq komiteti Bas hatshysynyń orynbasary Serik Sápiev sportshylar qaýymdastyǵynyń ustanymyn jetkizdi.
«Biz Qýatty ári Ádiletti Qazaqstan úshin daýys berdik. Sailaý ýchaskesine kelgen árbir adam óziniń azamattyq paryzyn ótep qana qoimai, el bolashaǵy úshin tańdaý jasady dep oilaimyn. Biz el igiligine qyzmet etýge barymyzdy salamyz jáne barsha qatysýshylardy osyǵan shaqyramyn», – dedi ol.
Prezidenttik jastar kadrlyq rezerviniń múshesi Ábýtálip Mútáli aldaǵy 7 jylda jastar memleket qurý isine eleýli úles qosady dep otyr.
«AMANAT» partiiasy Qoǵamdyq saiasat institýty direktorynyń orynbasary Dinara Sádýaqasova sailaýshylardyń usynysy men tilegine nazar aýdardy. Úgit-nasihat naýqany barysynda 40 myńnan astam osyndai usynys-tilek kelip tústi. Bul azamattardyń saiasi protsesterge degen qyzyǵýshylyǵy artqanyn ańǵartady.
Foto: Meiirbek Tajquranov
