2019 jyl – «Jastar jyly», «sailaý jyly», «ózgerister jyly» bolyp birneshe tyrnaqshaly ataýǵa ie boldy. Sonymen, jastar degen býyn ókilinen osy jyly qandai ózgerister men jańashyldyq kútýge bolady? Jalpy óskeleń urpaq sailaýǵa úlesin qalai qosady?
Tańdaý ár adamnyń óz erkinde. Kimdi prezident retinde kórgińiz keledi, soǵan daýys berińiz (árine aqylmen sheshý mańyzdy).
HHI ǵasyrdyń ǵylym men tehnologiiasyn meńgerip kele jatqan jastar, sizderge aitarym mynaý:
- Qai kandidatty qoldaisyz, kimge daýys beresiz ol siz úshin jáne biz úshin mańyzdy;
- Belgili bir kandidatty qoldaýǵa úles qosamyn degen ekensiz, eger SMM, PR mamany bolsańyz, jan-jaqty úgit-nasihat jumysyn jasańyz;
- Foto, video sekildi tehnologiianyń eń ozyq baǵdarlamalaryn igergen bolsańyz, jarnamasy men siýjeti qatqan rolikter daiyndańyz;
- Aqyn ne jazýshy bolsańyzdar, shaǵyn oqiǵaly áńgime ne óleń jazyńyzdar. Jurt qyzyǵyp oqyp, áńgime arqyly túsine bersin;
- Ánshi ne kompozitor bolsańyzdar, áýeni kelisken keremet dúnie jasańyzdar;
- Vainer, bloger bolsańyzdar, halyqtyń jyrtyq jerin mazaqtaýdan iske kóshińizder. Tanymdy ári ázili aralas vain daiyndańyzdar;
- Targeting jasap, qoldan túspeitin telefondaryńyzdy osy joly bir iske jaratyńyzdar;
- Zań salasynda júrgen jastar, aidaǵannyń aitaǵyna ketpei, óz quqyqtaryńyzdy endi kórsetińizder. Talap etińizder;
- JOO-da saiasattaný mamandyǵyn bitirip jatqan jastar, saiasi baǵa berip, saraptama jasap, jan-jaqty at salysyńyzdar;
Qoryta kelgen kezde, ádil sailaý ótý úshin, shetelde tájiribe almasyp kelgen bilimderińizdi paidaǵa asyryp, myna jurtqa bar ekenderińizdi kórsetińizder.
«Jastar jyly» jastardan qaiyr bolǵan joq, olar da sol biliktiń qolshoqpary degen halyq nazy, ózi bir ret berilgen máńgi kóktemge ainalǵan jyldyń mańdaiyna qara tańba bop basylmasyn.
Osy sailaýdan keiin, sol biik oryndarǵa baryp aqyl aitatyn, keńesshi bolatyn, jumys jasaityn sizdersizder. Sondyqtan «divan batyr» bolsaq ta, aqpart soǵysy degen qoǵamda, aqparattyń aǵynyn da, baǵytyn da ózgertip jiberýge shamamyz jetedi. Bul áreket jeńiske alyp barsa «divan batyr» degenderdiń de aýzyn jabamyz.
Biz áli jas emespiz, biz Bas bolatyn qoǵamǵa keldik. Otyz jyl terbetilgen besikten ne úirendik, ne bildik, ne tanydyq kórseteiik.
Marǵulan Aqannyń feisbýktaǵy jazbasynan
