Jastar saiasaty aiasynda uiymdastyrý is-sharalarynyń sany 10 ese qysqarady. Bul týraly búgin Májilistegi Úkimet saǵatynda QR Aqparat jáne qoǵamdyq damý ministri Dáýren Abaev aitty, dep habarlaidy QazAqparat.
«Jastar jylynyń iske asyrylý barysyn taldaý qorytyndysy boiynsha biz memlekettik jastar saiasatyn odan ári jetildirýge baǵyttalǵan mynadai sharalardy ázirledik. Birinshiden, biz 2021 jylǵy josparly biýdjetke túzetýler engizýge bastamashylyq etemiz. Osyǵan sáikes shyǵystardyń keminde jartysy jastarǵa arnalǵan qoljetimdi jalǵa beriletin turǵyn úi salýǵa jáne ony eńbekpen qamtýdy qamtamasyz etýge baǵyttalatyn bolady», - dedi Dáýren Abaev.
Onyń aitýynsha, ekinshiden Memleket basshysynyń tapsyrmasyna sáikes jastar saiasaty aiasynda uiymdastyrý is-sharalarynyń sany, sondai-aq, baspa ónimderin shyǵarý 10 esege qysqartylmaq.
«Úshinshiden, jastar saiasatynyń arnaiy sharalarymen qamtý kórsetkishi jastardyń jalpy sanynyń tórtten birine deiin jetkiziledi. Tórtinshiden, Jastar saiasaty sharalarymen qamtylǵan árbir jasqa arnalǵan jiyntyq shyǵystar 500 myń teńgege deiin jetkiziledi. Besinshiden uqsas halyqaralyq reiting negizinde Jastardyń damý indeksi ázirlenetin jáne engiziletin bolady. Biz jastar saiasatynyń qandai baǵyttary odan ári jetildirýdi qajet etetinin biletin bolamyz», - dedi ministr.
