Qazaqstandyq boksshy Sanjar Tashkenbai Dýbaida (BAÁ) jasóspirimder men jastar arasyndaǵy bokstan Aziia chempionatynyń jartylai finalynda óner kórsetti, dep habarlaidy QazAqparat Sports.kz-ke silteme jasap.
Jastar týrnirinde (2003-2004 jylǵylar arasynda) 48 kilogramǵa deiingi salmaqta Tashkenbai ózbek Mýhammadkodir Mamirjonovpen aiqasty. Jekpe-jekte tóreshilerdiń biraýyz sheshimimen qazaqstandyq jeńiske jetti.
Osylaisha, Sanjar Tashkenbai týrnirdiń finalyna shyǵyp, aldaǵy ýaqytta «altyn» úshin aiqasady. Ol, sonymen qatar álem chempiony ekenin qosa keteiik. Jastar týrnirimen birge Dýbaida jasóspirimder birinshiligi ótýde – onda 2005-2006 jylǵy boksshylar óner kórsetýde, bul týrnirde qazaqstandyq sportshylar barlyq salmaq dárejesinde básekelesip jatyr.
