Áleýmettik jelide Atyraýda 13 jastaǵy qyzdy zorlamaq bolǵan kúdiktiniń ólimi týraly aqparat paida boldy. Politseiler habarlamaǵa qatysty pikir bildirdi, - dep habarlaidy Tengrinews.kz agenttigi.
Áleýmettik jelide 6 jeltoqsanda qyzdy zorlamaq bolǵan jerinde ustalǵan er adam ishki aǵzadan qan ketýi saldarynan kamerada qaitys bolǵany týraly aqparat paida boldy.
Atyraý oblysynyń Politsiia departamenti bul aqparatty joqqa shyǵardy.
"6 jeltoqsanda jasóspirimdi zorlamaq bolǵan jerinde ustalǵan adamnyń qamaýda qaitys bolǵany týraly aqparat shyndyqqa janaspaidy. Áleýmettik jeli qoldanýshylary Qazaqstan Respýblikasy Qylmystyq kodeksiniń 274-baby "Kórineý jalǵan aqparat taratý" boiynsha jaýapty ekenin habarlaimyz. Sondai-aq, fakt boiynsha jalǵan aqparat taratqan tulǵalardy anyqtaý júrgizilip jatyr", - dedi politsiia ókilderi.
Eske salaiyq, 6 jeltoqsanda Atyraýda er adam ishinde 13 jastaǵy qyz otyrǵan kólikti urlap ketken bolatyn. Ol ony zorlamaq bolǵan kezde ustaldy.
