© AFP 2024 / KIRILL KUDRYAVTSEV
Tsifrlyq damý, innovatsiialar jáne aeroǵarysh ónerkásibi ministri Jaslan Mádiev jasandy intellekt negizinde jumys isteitin virtýaldy assistentti tanystyrdy, dep habarlaidy Ult.kz Sputnik Qazaqstanǵa silteme jasap.
Úkimettiń búgingi otyrysy tsifrlyq keńsede ótti. Sol jerde tsifrlyq damý ministri Jaslan Mádiev jasandy intellekt negizinde jumys isteitin virtýaldy assistentti tanystyrdy.
Qazirgi kezde osy bastama testtik rejimde jumys isteidi. Oǵan sáikes, elektrondy úkimettiń mobildi qosymshasyna kirgende virtýaldy assistenttiń qyzmetine júginýge bolady. Ekranǵa HQKO qyzmetkeriniń beinesi shyǵady. Ol jasandy intellekt negizinde orys tilinde barlyq suraqqa jaýap beredi, qajetti qyzmettiń siltemesin de shyǵaryp beredi. Biraq ázirshe suraqtar baiaý óńdeledi. Ministrdiń aitýynsha, aldaǵy ýaqytta qazaq tilindegi nusqasy da iske qosylady.
“Qazirgi kezde biz Nazarbaev ýniversitetimen birge úlken tildik modeldi daiyndap qoidyq. Kelesi qadam-jańa fýnktsiiasyn engizý. “Speech to text” fýnktsiiasyn iske qosqannan keiin virtýaldy assistent qazaqsha sóileitin bolady”, - deidi Mádiev.
