Foto: QR OAM
Qazaqstandyq pedagogterdiń tsifrlyq quzyrettiligin arttyrýǵa baǵyttalǵan oqytý bastaldy, dep habarlaidy Ult.kz.
Jańa oqý jyly qarsańynda muǵalimderdiń kásibi daiarlyǵyn zamanaýi talaptarǵa sai jetildirý maqsatynda QR Oqý-aǵartý ministrligine qarasty «Órleý» biliktilikti arttyrý ulttyq ortalyǵy IýNESKO-men birlesip jańa baǵdarlamany iske qosty. Baǵdarlama halyqaralyq tájiribe negizinde ázirlenip, qazaqstandyq oqý júiesine beiimdelgen.
Oqytý barysynda pedagogter:
- • jasandy intellekt quraldaryn tiimdi ári etikalyq turǵydan durys qoldanýdy;
• prompt jazý ádisterin;
• sabaq josparlaý tásilderin;
• testiler men oqý materialdaryn ázirleýdi;
• illiýstratsiialar jasaýdy;
• oqý mazmunyn jetildirý jáne oqýshylardyń qyzyǵýshylyǵyn arttyrý joldaryn meńgeredi.
Baǵdarlama jasandy intellektini pedagogtiń ornyn almastyrýshy emes, kásibi qyzmetin jeńildetetin senimdi qural retinde qoldanýǵa baǵyttalǵan. Ol muǵalimge shyǵarmashylyqqa kóbirek ýaqyt bólýge múmkindik beredi.
«Órleý» biliktilikti arttyrý ulttyq ortalyǵy uiymdastyrǵan bul oqýǵa muǵalimder https://reg.orleu.edu.kz saity arqyly tirkelip, LMS platformasynda tegin qatysa alady. Bir aptanyń ishinde 100 myńǵa jýyq adam qatysyp, sonyń jartysyna jýyǵy sertifikat aldy
