Afrika pilderin qyrylýdan aman saqtaý úshin jasandy intellekt iske qosylady. Ulybritaniia jáne Niderlandy elderiniń zertteýshiler toby janýarlar men jaiylymdardy izdeýdiń arnaiy algoritmin qurdy, dep habarlaidy "Ult aqparat" Euronews-ke silteme jasap.
Arnaiy baǵdarlama jergilikti jerdiń spýtnikten túsirilgen sýretterdi taldap, pilderdiń tirshiligi úshin eń qolaily aýmaqtardy anyqtaidy. Budan basqa, ol janýarlardy sanaýǵa kómektesedi. Úlken aýmaqtardyń sýretteri qysqa ýaqyt aralyǵynda jasalatyndyqtan, bul janýarlardy eki ret sanaý qaýpin azaitady. Budan basqa, bul tehnologiia adamdardy qaýipten aman saqtap, janýarlardy kóp mazalamaýǵa múmkindik berip otyr, dep baiandady algoritmdi qurýshylar.
Bata ýniversitetiniń qyzmetkeri Olga Isýpovanyń aitýynsha, jańa ádis zańsyz ań aýlaýdy qadaǵalaýǵa kómektesýi tiis.
«Janýarlar esebi – tabiǵatty qorǵaý problemalary, sonyń ishinde brakonerlikpen kúres júrgizýdiń ádisteriniń mańyzdy quramdasy. Qazirgi kezde biz brakoner oqiǵalaryn tirkeý úshin óltirilgen janýarlardyń qaldyqtaryn anyqtaý siiaqty qosymsha múmkindikterdi zerttep otyrmyz, biraq bul joba áli bastapqy kezeńde tur», - dedi ol.
