افريكا پٸلدەرٸن قىرىلۋدان امان ساقتاۋ ٷشٸن جاساندى ينتەللەكت ٸسكە قوسىلادى. ۇلىبريتانييا جەنە نيدەرلاندى ەلدەرٸنٸڭ زەرتتەۋشٸلەر توبى جانۋارلار مەن جايىلىمداردى ٸزدەۋدٸڭ ارنايى الگوريتمٸن قۇردى, دەپ حابارلايدى "ۇلت اقپارات" Euronews-كە سٸلتەمە جاساپ.
ارنايى باعدارلاما جەرگٸلٸكتٸ جەردٸڭ سپۋتنيكتەن تٷسٸرٸلگەن سۋرەتتەردٸ تالداپ, پٸلدەردٸڭ تٸرشٸلٸگٸ ٷشٸن ەڭ قولايلى اۋماقتاردى انىقتايدى. بۇدان باسقا, ول جانۋارلاردى ساناۋعا كٶمەكتەسەدٸ. ٷلكەن اۋماقتاردىڭ سۋرەتتەرٸ قىسقا ۋاقىت ارالىعىندا جاسالاتىندىقتان, بۇل جانۋارلاردى ەكٸ رەت ساناۋ قاۋپٸن ازايتادى. بۇدان باسقا, بۇل تەحنولوگييا ادامداردى قاۋٸپتەن امان ساقتاپ, جانۋارلاردى كٶپ مازالاماۋعا مٷمكٸندٸك بەرٸپ وتىر, دەپ باياندادى الگوريتمدٸ قۇرۋشىلار.
باتا ۋنيۆەرسيتەتٸنٸڭ قىزمەتكەرٸ ولگا يسۋپوۆانىڭ ايتۋىنشا, جاڭا ەدٸس زاڭسىز اڭ اۋلاۋدى قاداعالاۋعا كٶمەكتەسۋٸ تيٸس.
«جانۋارلار ەسەبٸ – تابيعاتتى قورعاۋ پروبلەمالارى, سونىڭ ٸشٸندە براكونەرلٸكپەن كٷرەس جٷرگٸزۋدٸڭ ەدٸستەرٸنٸڭ ماڭىزدى قۇرامداسى. قازٸرگٸ كەزدە بٸز براكونەر وقيعالارىن تٸركەۋ ٷشٸن ٶلتٸرٸلگەن جانۋارلاردىڭ قالدىقتارىن انىقتاۋ سيياقتى قوسىمشا مٷمكٸندٸكتەردٸ زەرتتەپ وتىرمىز, بٸراق بۇل جوبا ەلٸ باستاپقى كەزەڭدە تۇر», - دەدٸ ول.
