Qazirgi Qazaqstandaǵy áli de ózektiligin joǵaltpai otyrǵan máselelerdiń biri – aýyldyq jerlerdi qamtityn aýdan ortalyqtary men tipti bir qalanyń ishindegi júrek aýrýlaryn jedel jáne der kezinde anyqtap, olarǵa qolma-qol kómekke qajetti – kardiogrammaǵa qol jetkizý bolsa, bunyń asa bir ońtaily sheshimi Soltústik Qazaqstan oblysynda birshama sátti túrde óz kórinisin tapqan sekildi.
2017 jyly atalmysh oblysta jergilikti biýdjet esebinen EKG taratýdyń telemetriialyq júiesi engizildi. Sondai-aq, bul júieni utymdy túrde júzege asyrý maqsatynda seminar-trening ótkizildi. Ol meditsinalyq telekartalarmen jumys isteitin 13 aýdan men oblys ortalyǵyndaǵy meditsinalyq jedel járdem ortalyǵyn (OMJJO) qamtydy. Bul júie asqynǵan koronarlyq sindrom kúdigi bar naýqastarǵa diagnostka qoiýdyń ýaqytyn únemdep, sapasyn kúsheitip, kardiologiialyq baǵyttaǵy naýqastarǵa meditsinalyq qyzmet kórsetýdiń ońtaily deńgeiin arttyra tústi.
2017 jyldyń qyrkúiek aiynan bastap 24 meditsinalyq mekeme men OMJJO-dan Petropavl qalasyndaǵy Kardiologiialyq ortalyqtyń úzdiksiz terapiia blogynyń (ÚTB) serverine EKG-ny telemetriialyq túrde taratý múmkindigi paida boldy. Telekartalar birinshi kezekte 13 aýdandyq ortalyq aýrýhanalar (AOA) men 11 dárigerlik ambýlatoriialarda taratyldy.
EKG táýlik boiy toqtaýsyz júrgiziledi, al málimetterdi oqý men sheshý ÚTB-nyń meńgerýshileri men kezekshi kardiolog, revmatolog dárigerler arqyly júzege asyrylady. Sonymen bir mezgilde asqynǵan koronarlyq sindromdary (AKS) bar jáne júrek soǵysynyń qalyptylyǵy buzylǵan naýqastarmen ainalysatyn jedel meditsinalyq járdem palatalarynyń (JMJP) qyzmetkerlerine keńes berý kómegi de qamtylǵan. 2017 jyly 328, al 2018 jyldyń 5 aiynda 78 EKG tirkelgen.
Kelesi qadam – jasandy intellekt algoritmder bazasy negizinde avtomatty túrde elektrokardiogrammany oqýdy engizý josparymen bailanysty.
Osy maqsatta Soltústik Qazaqstan densaýlyq saqtaý basqarmasy men «CMCTechnologies» JShS aralarynda jasandy intellekt algoritmderi negizinde elektrokardiogrammany avtomatty túrde oqý júiesin qurý mindetterin sheshýdi birikken túrde jáne ózara kelisim negizinde atqarý týraly memorandýmǵa qol qoiyldy.
Patsient nemese medbike iaki dáriger EKG-ny elektrondy túrde engize alarlyqtai nemese qaltaly telefonnyń qarapaiym kamerasynyń kómegimen qaǵazdaǵy nusqasy da eskerilgen onlain servis engizý maqsaty da kózdelgen. Al naýqas aýrýhanadan shyqqan sátte qaǵazǵa basyp shyǵarýǵa laiyq jáne elektrondy nusqasy saqtalǵan sapaly negizde sheshimin tapqan dárigerlik qorytyndy qolyna tiedi. Oqý men sheshý jasandy intellekt salalaryna qatysty algoritmder kómegimen júzege asyrylady, dálirek aitqanda: Kompiýterli-elektrondyk kózben kórý, Mashinany oqytý, semantikalyq jeli bazasy negizindegi eksperttik júie.
Mundai sheshim ýaqytty meilinshe únemdep, dáldigi múltiksiz sheshimderge qol jetkizedi. Sonymen qatar budan ári arnaiy fýnktsionaldy diagnostikamen shuǵyldanatyn dáriger ustaý qajetsizdigine orai atalmysh emdeý sharalary bir kardiogramma oqý men ony sheshýdegi osy jumystyń búgingi qunynyń anǵurlym arzandaýyna sebepker bolady.
Soltústik Qazaqstan oblysynda sátti túrde oń sheshimin tapqan EKG–nyń telemetriialyq júiesi – qazirgi kezeńdegi jappai tsifrlandyrýǵa kóshýdiń jarqyn kórinisi bolyp tabylady. Obektivti túrde jahandaný protsesine tartylyp, tórtinshi indýstrialdy revoliýtsiiaǵa bet burǵaly jatqan myna zamanda mundai tehnologiialyq innovatsiialyq jobalardyń kúnnen-kúnge kóbeie túsýi zańdy qubylys. Joǵarydaǵy EKG-nyń telemetriialyq júiesiniń engizilýi osynyń naqty aiqyn kórinisi.
