M.Jumabaev atyndaǵy Aqmola oblystyq ámbebap ǵylymi kitaphanasy 2019 jyldyń 6-shy jeltoqsanynda «Rýhani jańǵyrý» baǵdarlamasyn júzege asyrý aiasynda Sh.Ýálihanov atyndaǵy Kókshetaý memlekettik ýniversitetiniń III kýrs stýdenti, jas jazýshy Tomiris Samatovanyń «Ia pishý dlia serdtsa i dýshi» taqyrybynda shyǵarmashylyq keshin jáne onyń bes kitabynyń tusaýkeserin ótkizdi.
Keshke Aqan seri atyndaǵy mádeniet kolledjiniń stýdentteri, qalanyń №3, №6, №17 mektepteriniń oqýshylary qatysty. Júrgizýshi kesh iesiniń ómirbaianymen tanystyryp, avtorǵa sóz berdi, Tomiris óziniń shyǵarmashylyǵy jaiynda áńgimelep berdi.
Jap-jas Tomiristiń talanty óz qurby-qurdastaryna, jastarǵa úlgi bolarlyqtai. Ony kezinde bilim bóliminiń burynǵy basshysy, qazirgi qala ákiminiń orynbasary Beibit Áitimuly joǵary baǵa berip, qoldaǵan bolatyn. Tomiris aqyn jazýshylardyń qataryn toltyrýmen birge, jańa lep alyp keldi. Ol fentezi janryna qalam tartýdy jón kórgen. 12 jasynan óleń jazyp talantyn tanytqan ol qazirgi kezde ertek álemine saiahat jasaýdy josparlap júrgenin de sóz etti. Tomiristiń qoldaýshysy - onyń ákesi Samat Iamenuly onyń talapty da jaýapty eńbegi týraly ádemi áńgimelep berdi.
№6 mektep qabyrǵasynan túlegen Tomiristiń synyp jetekshisi Baibazarova Balysh Áitenqyzy da keshke qytysyp, igi tilegin bildirdi. Qalanyń túrli oqý oryndarynan qatysqan oqýshylar men stýdentter kitaptarmen aldyn ala tanysyp, ózderiniń pikirlerin bildirdi.
M.Jumabaev atyndaǵy AOÁǴK direktorynyń orynbasary Galina Savenkova Tomiris Samatovanyń búgingi shyǵarmashylyq keshimen quttyqtap, avtormen birge kitaptardyń tusaýyn kesti.
Óz kezeginde Tomiris oqyrmandaryna óz óleńin oqyp berdi. Stýdentter men oqýshylar "Qazaq tilinde kitap jazý oiyńda bar ma?", "Qandai avtorlardy oqisyń" degen siiaqty suraqtaryna tushymdy jaýap aldy. Kelgen qonaqtarǵa avtor óz qoltańbasymen kitaptaryn syilady. Kesh óte tartymdy, jandy, áserli ótti.
