Foto: QR OAM
Táýelsizdik kúnine orai 10-16 jeltoqsan aralyǵynda elimizde jas ustazdar arasynda «Men Táýelsizdik qurdasymyn!» respýblikalyq chellendji uiymdastyrylyp otyr, dep habarlaidy Ult.kz.
Áleýmettik jeliler arqyly ótetin bul chellendjdiń basty maqsaty – pedagog mártebesin kóterý, onyń eńbeginiń mańyzyn nasihattaý jáne ult bolashaǵyn qalyptastyrýdaǵy rólin kórsetý.
Chellendjge qatysýshy muǵalimder áleýmettik jelilerde «Men Táýelsizdik qurdasymyn» taqyrybynda beinerolik nemese post jariialap, táýelsizdikpen birge ósken urpaq retinde bilim salasynyń damýyna qosqan úlesi men pedagog missiiasy jaily oilaryn ortaǵa salady.
Qatysý úshin ustazdar:
-
áleýmettik jelilerde #MenUstazbyn #TáýelsizdikQurdasymyn #IaÝchitel #IaRovesnikNezavisimosti heshtegterimen foto nemese video posttaryn jariialaidy;
-
táýelsizdik týraly oi-pikirlerimen jáne ustazdyq qyzmetindegi missiiasymen bólisedi.
A.Baitursynuly atyndaǵy «Taldaý» ulttyq zertteýler jáne bilimdi baǵalaý ortalyǵynyń deregine sáikes, elimizde 15 myńnan astam táýelsizdikpen qurdas pedagog eńbek etýde.
Bul chellendj jastar ustazdar arasynda patriottyq sanany arttyryp, bilim salasynda qyzmet etip júrgen ár pedagogtyń táýelsizdik tarihymen bailanysty missiiasyn kórsetýge múmkindik beredi.
