Nur-Sultan, Almaty, Qaraǵandy jáne Shymkent qalalarynda «Jas ulan» respýblikalyq áskeri mektebine oqýǵa qabyldaý jumysy bastaldy, dep habarlaidy "Ult aqparat" QR Qorǵanys ministrligine silteme jasap.
«Áskeri mektepke jalpy bilim berý mektebin bitirgen 9-synyp túlekteri men 15 jasqa tolǵan (bul jastan kem bolmaýy tiis) jasóspirimder iriktelinip alynady. Alaida bolashaq áskeri qatarǵa qosylýshylar birneshe kezeńnen turatyn konkýrstyq irikteýden ótýi tiis. Irikteý kezeńniń basty sharty – arnaiy qujattardy tapsyrý, sondai-aq bozbalalar psihologiialyq, dene daiarlyǵy jáne meditsinalyq kýálandyrý boiynsha test tapsyrady», delingen habarlamada.
Barlyq kezeńnen ótken talapker sońǵy sheshýshi kezeńge joldama alady. Qabyldaý komissiiasy atalǵan úsh kezeńniń nátijesi men orta mektepti bitirýdi rastaýshy qujat boiynsha jalpy upaidy sanaidy. Budan jas ulannyń oqýǵa túsýi sheshiledi. Qabyldaý komissiiasy 21 tamyzǵa deiin jumys isteidi. Kelesi kúni resmi túrde bolashaq bilim oshaǵyna qabyldanýshy úmitkerlerdiń qatary anyqtalatyn bolady.
Nur-sultandaǵy qabyldaý komissiiasynyń málimetinshe, elordalyq áskeri mektepke Qazaqstannyń túkpir-túkpirinen kelgen 420-dan astam jasóspirim qujattaryn tapsyrǵan. Biylǵy jyly konkýrstyq irikteýde bir orynǵa 3 úmitker talaptanyp otyr.
Qabyldaý komissiiasy jumysy aiaqtalǵan soń, áskeri mektepke qabyldaý 22 tamyz kúni mektep basshysynyń buiryǵymen bekitiledi.
Aita keterligi, «Jas ulan» respýblikalyq mektebi – jalpy orta bilim berý baǵdarlamalary boiynsha memlekettik jáne shet tilderin, áskeri pánderdi tereńdetip oqytatyn, sondai-aq dene shynyqtyrýdy daiarlaýdy júzege asyratyn áskeri oqý orny.
Búgingi tańda «Jas ulan» mektebiniń kóptegen bitirýshileri Qazaqstan, Resei, Belarýs, Qytai, Túrkiia jáne Germaniia joǵary áskeri oqý oryndaryna túsip, elimizdiń Qarýly kúshteri nemese ózge elderdiń áleýetti qurylymdarynda qyzmet atqarýda.
