Úsh aiburyn shymyldyǵyn B.Álimjanovtyń «Oiran» spektaklimen ashqan «Ǵasyr» teatry jaqynda kórermenderine taǵy bir jańa jobasyn usynbaq.
Búgingi qoǵamdaǵy adamdar arasyndaǵy túrli qarym-qatynasty Sizdermen birge talqylai otyryp, oilanyp qaitýdy kózdeitin tyń baǵyttaǵy «Aitarym bar...» qoiylymynyń formaty da erekshe bolmaq. Qoiylym barysynda sanamyzdy mazalaǵan túrli suraqtarǵa Siz ben biz birlese jaýap beremiz.
Qoiylym jas rejisser Farhat Moldaǵalidyń jetekshiligimen daiyndalýda. Jýyrda ǵana Máskeý qalasynda A.P.Chehov atyndaǵy halyqaralyq festival aiasynda ótken «TMD elderiniń jas rejisserleri laboratoriiasynda» biliktiligin arttyryp kelgen jas rejisser Soltústik Qazaqstan oblysynyń S.Muqanov atyndaǵy qazaq sazdy-drama teatrynda qoiýshy rejisser bolyp eńbek etedi.
Arnaiy kásibi bilimi bolmasa da ózderiniń qabiletterin shyńdap, «Ǵasyr» teatry bolyp bastaryn qosqan jastardyń jańa formattaǵy qoilymdy sahnalaýy – jas rejisserdyń de, jas teatrdyń da óner álemine ózindik bir jańalyǵyn engizýge degen talpynysy.
