Qazaqstanda Zhas Project jobasy jalǵasýy múmkin. Jobany qalai júrgizý qajettigi týraly QR Aqparat jáne qoǵamdyq damý vitse-ministri Aleksandr Danilov aityp berdi, dep habarlaidy QazAqparat.
«Zhas Project jobasyn jalǵastyrý máselesine kelsek, biz bul tájiribeni oń baǵalaimyz. Shynynda da, biz jobany jalǵastyrýdy josparlap otyrmyz, biraq qazir onyń qalai júrgiziletinin ázirleýdemiz. Biz basqarý modeli men dálelge negizdelgen saiasatty qalyptastyrýǵa kóshkimiz keledi. Sondyqtan, zertteý júrgizgen kezde, túrli zertteý toptarymen sóileskende, jastarǵa shyn máninde ne qajet ekenin túsinemiz jáne sonyń negizinde saiasat qalyptastyramyz. Adam qandai da bir áleýmettik jobadan túlep ushqan soń jalǵyz ózi qalady. Bizdiń mindetimiz – olarǵa qoldaý kórsetýge tyrysý. Adam jai ǵana óz jobalaryn iske asyrdy eken dep toqtap qalmaýymyz kerek», - dedi A. Danilov.
Vitse-ministr eń basty sipattama jobalardyń qundylyqtaryn bekitýde jatqanyn atap ótti.
«Bul rette ne aitqymyz keledi? Biz Zhas Project tásilderin memlekettik qarjylandyrý kezinde qalai saqtaý kerektigi jóninde oilanyp otyrmyz. Bul da óte mańyzdy. Biz tolyq jasalmaǵan ónimmen naryqqa shyǵýdy durys emes dep sanaimyz. Jobany salystyrmaly túrde ońai, jeńil etkimiz keledi, biraq sonymen birge ony memlekettik qarjylandyrý turǵysynan qazirgi jaǵdaimen bailanystyrǵymyz keledi.
Biz qoldaý baǵdarlamalary arqyly jobalardy jalǵastyra alý rólin kúsheitý úshin jergilikti ÚEU-dardy qoldaý modeline súienemiz. Birinshi aitqym keletin nárse – bizge sizdiń zertteýlerińiz, pikirlerińiz qajet. Eger Zhas Project jobasyn biyl iske qossaq, pilottyq joba etip bastaýdy josparlap otyrmyz. Oǵan qosa tiimdilikti baǵalaýdyń qosymsha elementterin engizemiz», - dedi Aleksandr Danilov.
