25-26 sáýir kúnderi Almaty tehnologiialyq ýniversitetinde «JasStar» jobasynyń aiasynda Jastar jylyna arnalǵan «ǴYLYM. BILIM» jas ǵalymdarynyń respýblikalyq ǵylymi-praktikalyq konferentsiiasy ótti.
Konferentsiiaǵa stýdentter, magistranttar, doktoranttar, jas ǵalymdar men joǵary oqý oryndary jáne ǵylymi-zertteý institýttary men túrli salanyń mamandary qatysty.
Sharanyń plenarlyq májilisinde kirispe sóz sóilegen ATÝ ǵylym jáne innovatsiia jónindegi prorektory, professor Berdan Rskeldiev Almaty tehnologiialyq ýniversiteti stýdentterdiń, magistranttar men doktoranttardyń shyǵarmashylyq áleýetin damytýǵa úlken kóńil bóletinin atap ótti. Sondai-aq, ol : "Ýniversitettiń jas ǵalymdary halyqaralyq jáne respýblikalyq baiqaýlarǵa belsendi qatysady. Olardyń ishinde: "Úzdik innovatsiialyq joba", respýblikalyq "NURINTECH" jáne jyl saiynǵy "START-UP ATU" innovatsiialyq jobalar baiqaýy, QR Tuńǵysh Prezidenti – Elbasy Qorynyń "Ǵylym men tehnika salasyndaǵy úzdik zertteýleri men jetistikteri úshin"baiqaýy, "Stýdenttik stipendiialar baiqaýy" qory men "Endaýmet ATÝ" korporativtik qorynyń grantyna jyl saiynǵy start-ap jobalar baiqaýlary bar", - dep atap ótti ol.
Konferentsiiada Qazaqstan Respýblikasy Tuńǵysh Prezidenti – Elbasy Qory janyndaǵy Ǵylymi keńestiń múshesi Ǵani Abadan "Startap úshin bos oryndy qalai tabý kerek?", "Kuka Russia" (Resei) kommertsiialyq direktory Petr Smolentsev - "Robottardy ónerkásiptiń túrli salalarynda qoldaný. 4.0 Indýstriia formatynda bolashaq óndiris qalai kórinis tabady?", ATÝ magistranty Nurjan Jumahan - "Ǵylym jáne jastar" taqyryptary boiynsha baiandama jasady.
Jas ǵalymdar bul sharada tamaq jáne jeńil ónerkásiptiń zamanaýi tehnologiialary, tamaq ónimderiniń qaýipsizdigin qamtamasyz etýdegi himiialyq, biologiialyq jáne biotehnologiialyq aspektiler, baqylaýdyń zamanaýi ádisteri, tamaq ónimderi óndirisin aqparattyq jáne tehnikalyq qamtamasyz etý, tamaq jáne jeńil ónerkásip salalary úshin kadrlar daiarlaýdaǵy bilim berý innovatsiialary, tamaq, jeńil ónerkásip, týrizm indýstriiasy, týrizm kásiporyndarynyń menedjment ádisterin jetildirý máselelerin talqylady.
Baiqaý qorytyndysy boiynsha jas ǵalymdardyń erekshe jobalary I, II, III dárejeli diplomdarmen marapattaldy. Al "Startap ATU 2019" baiqaýynyń jeńimpazdary ózderiniń biznes-ideialaryn júzege asyrý úshin aqshalai sertifikattarmen marapattaldy.
