Túrkistan men Shymkent qalalarynda Arys turǵyndaryna materialdyq kómek jinaýǵa arnalǵan eki pýnkt ashyldy, dep habarlaidy "Ult aqparat".
QR Bilim jáne ǵylym ministrliginen habarlanǵandai, atalmysh pýnkter Túrkistandaǵy A.Iassaýi atyndaǵy Qazaq-túrik Halyqaralyq ýniversiteti (barlyq suraqtar boiynsha ýniversitettiń ókili Altynbek Kenjalievke habarlasýǵa bolady - 87017702427) men Shymkenttegi M.Áýezov atyndaǵy Ońtústik Qazaqstan oblystyq memlekettik ýniversitetinde (úilestirýshi Qairat Eńbekshiuly, 87773963052) ashylyp otyr.
Bilim jáne ǵylym ministrligi jarylystan zardap shekkenderge kómektesýge nietti azamattardyń kóp ekenin habarlaidy. Materialdyq kómekti uiymdasqan túrde jinaý úshin atalǵan eki pýnktti ashý týraly sheshim qabyldanǵan. Alǵashqy qajettiliktegi taýarlar (dári-dármek, gigienaǵa qajetti zattar, kiim-keshek pen basqa da zattar) kóptep túsip jatyr. Túsken taýarlar birden eriktiler arqyly halyqqa taratylýda. Sonymen qatar, aqsha aýdarymdary úshin arnaiy shottar ashylǵan.
Eske sala ketsek, Arystaǵy jarylystan zardap shekkenderge kómek qolyn sozý maqsatynda elimizde keshe «Arys, biz birgemiz» aktsiiasy bastaldy. Aktsiia aiasynda Túrkistan oblysy Arys qalasyndaǵy oqiǵadan zardap shekkenderge járdem berý úshin Oblys ákimshiliginiń janynan ashylǵan «Túrkistan» korporativtik áleýmettik damý qoryna habarlasýyńyzǵa bolady.
Anyqtama: «Túrkistan» korporativtik áleýmettik damý qory rekvizitteri
Túrkistan oblasy
Túrkistan qalasy, Kyzylorda tas joly, 34 A ǵimaraty,
Poshta indeksi 161200
BSN (BIN) 100440016000
«ForteBank» AQ Túrkistan qalasyndaǵy filialy
JSK (IIK) KZ7196528F0007014540
BSK (BIK) IRTYKZKA
