Foto: Jeli kadrlarynan skrin
Almatyda Rozybakiev kóshesinde ornalasqan Mega Alma-Ata saýda ortalyǵynda belgisiz adam jarylǵysh zat qoiylǵany týraly anonimdi habar taratqan. Saldarynan kelýshiler men qyzmetkerler evakýatsiialandy6 dep habarlaidy qalalyq politsiia departamenti.
Departamentiniń málimetinshe, aqparat túsken boida barlyq jedel qyzmetter men arnaiy bólimsheler jumyldyrylǵan. Saýda ortalyǵynyń aýmaǵy qorshaýǵa alynyp, ǵimaratty komissiialyq tekserýge mamandar kelgen.
Politsiia jalǵan habarlama bergen adamnyń jeke basyn anyqtap jatyr. Oǵan Qazaqstan Respýblikasynyń zańnamasyna sáikes jaýapkershilik qarastyrylǵan.
Vedomstvo turǵyndardy tynyshtyq saqtaýǵa, quqyq qorǵaý qyzmetkerleriniń talaptaryn oryndaýǵa jáne qaýipsizdik qyzmetteriniń nusqaýlaryn múltiksiz oryndaýǵa shaqyrdy.
