Tamdy aýylynyń ákimi Raýan Asqarovtyń 24.kz tilshilerine aýylda nege jaryq sóne beretinine qatysty aitqan jaýaby áleýmettik jelilerde memge ainaldy, - dep habarlaidy Tengrinews.kz.
Videoda ákim tilshige jaryqtyń jii sónýine transformatorǵa qonatyn qustar kináli eken aitady. Jýrnalist pen ákim arasyndaǵy dialog mynadai:
- Qarǵa degen bále transformatorǵa kúiip ketedi de, oǵan kúsh túsedi de, jaryqty sóndirip tastaidy.
- Qarǵa? Alaqandai qus?
- Qanatymen ushyp barady da qanattary temirge tiedi.
- Qarǵa jaqyndamaityndai qorshaý kerek pe? Qarǵa jaqyndamas úshin ne isteý kerek?
- Qorshaýy tur ǵoi.
- Endi bul máseleni qalai sheshý kerek?
- Máseleni sol... qalai sheshetinin bilmeimin.
- Aýdannan suraiyn ba?
Bul jaýap Qaznet qoldanýshylarynyń ashýyn keltirdi, al keibireýleri jai ǵana ázil dep qabyldaǵan. Jeli qoldanýshylary biliktegi adamdardyń bulai qatelesýine úirenip qalǵanyn da jazǵan.
Aita keteiik, buǵan deiin Ereimentaý ákimi bolýǵa úmitker Sapar Barlybaevtyń sózi Qaznette memge ainalǵany habarlanǵan bolatyn. Ol videoda qazaqstandyqtarǵa "óz ómirin jaqsartatynyn" aityp ýáde beredi.
