Mańǵystaýdaǵy Ybyqty-Cai shatqalynda oiyp jazý jazǵan sheneýnik jańa qyzmetke taǵaiyndaldy. Ol endi Aqtóbe oblysyndaǵy Baiǵanin aýdandyq mádeniet úiin basqardy, dep habarlaidy "Ult aqparat".
«Eýraziia» telearnasynyń habarlaýynsha, Qazaq zaǵiptar qoǵamynyń qalalyq mádeniet úiiniń eks-direktory Manas Kósherbaevtyń taǵy da basshylyq qyzmetke kelgen.
«Biyl 15 aqpanda Baiǵanin aýdandyq mádeniet úiiniń direktorynyń bos laýazymyna ornalasýǵa konkýrs jariialandy. Qujattary konkýrs talaptaryna sáikes keletin kez kelgen Qazaqstan azamaty ótinish bere alady. Konkýrsqa úsh adam qujat tapsyrdy. Onyń ishinde Kósherbaev Manas Maratuly da boldy. Konkýrstyq komissiiada eki azamattyń biliktiligi talapqa sai kelmeitini, eki kandidattyń da basshylyq qyzmet atqarmaǵany belgili boldy. Al Manas Kósherbaevtyń qujattary barlyq talapqa sai keldi. Sondyqtan ol 6 naýryzda Baiǵanin aýdandyq mádeniet úiiniń basshysy bolyp taǵaiyndaldy», - delingen habarlamada.
Eske salsaq, buǵan deiin Mańǵystaýdaǵy Ybyqty sai shatqalynda oiyp jazý jazǵan er adamnyń áreketi videoǵa túsip qalǵanyn habarlaǵanbyz. Er adam balǵa, buraǵyshqa uqsas zatpen jartasqa oiyp jazady. Áleýmettik jelilerde er adamnyń ersi áreketi túsirilgen video tarady.
