Almaty oblysy Panfilov aýdanynyń ortalyǵy - Jarkent qalasynyń on bir kóshesi 2020 jyldan bastap jańa ataýlarǵa ie boldy, – dep habarlaidy «Ult aqparat».
Jarkent qalasynyń birneshe kóshesine sondai tuǵyrly tulǵalardyń esimi berildi. Atap aitqanda, budan bylai jańa shaǵyn aýdandaǵy №6 kóshe - Uzyn murt Uzaq batyrdyń, №7 kóshe - Shoinaq batyrdyń, №9 kóshe - Satai batyrdyń, №10 kóshe - Dónen bidiń, №11 kóshe - Shánti bidiń, №12 kóshe - Bólek batyrdyń, №13 kóshe - Baǵai batyrdyń, №16 kóshe - Salpyq bidiń, burynǵy «Naberejnaia» kóshesi - Nurjeke batyrdyń esimimen atalady.
Sonymen birge burynǵy Shekarashylar kóshesi men №17 kóshege aýyl sharýashylyǵy salasynda uzaq jyldar boiy jemisti eńbek etip, aýdannyń áleýmettik-ekonomikalyq damýyna zor úles qosqan Turǵanǵazy Japarqulovtyń jáne Nábi Sarpekovtyń esimderi berildi.
