Búgin Úrjar aýdanyna qarasty Jarbulaq eldimekenindegi orta mektepte sóz zergeri, tarihshy-etnograf Zeinolla Sánik atyndaǵy synyptyń ashylýy ótti, dep habarlaidy "Ult aqparat" belgili aqyn Aqberen Elgezektiń feisbýktaǵy jazbasyna silteme jasap.
Saltanatty sharany “Zeinolla Sánik atyndaǵy mádeniet qory” uiymdastyrdy.
Zaman talaptaryna sai jasaqtalǵan ádebiet kabineti 3,5 mln. teńgege jasaqtalǵan.
"Sol synypta bilim alyp, armandaryn ushtaityn jasóspirimder úshin qýandyq. Sondai múmkindikter jasaǵan Qanat Sánik aǵamyzǵa, Qanekeńniń qasynda osyndai úlken sharýalardy tyńǵylyqty uiymdastyryp júrgen aqyn Serik Qaliev pen Jarqyn Sálenuly myrzalarǵa dán riza boldyq...
Qor biyl jarty millionǵa jýyq qarjy jumsap, úzdik oqýshylarǵa atalarynyń atyndaǵy shákirtaqy taǵaiyndapty. Shákirtaqysyn alǵan oqýshylardyń bal-bul jainaǵan júzderin kórgen adam “e, ár qaltaly adamnyń qolynan keletin sharýa ǵoi, óstise bolady ǵoi” dep riza kóńilmen oilanyp qalar edi. Osyndai igi jumystar qazaqtyń ishinde kóp bolsynshy!.." - deidi qalamger óz jazbasynda.
Aita keteiik, Zeinolla Múbárakuly Sánik 1935 jyly Qytaidyń Tarbaǵatai aimaǵynda dúniege kelgen. Pekin qalasyndaǵy ortalyq jastar institýtyn bitirip, eńbek jolyn baspagerlikten bastaǵan. Úrimjidegi jastar baspasynda jaýapty redaktor bolyp qyryq jyldai qyzmet atqarǵan. 1955 jyldan bastap ádebi zertteý jumystaryn jaza bastaǵan. Sol ýaqytta Qytaida júrgizilgen “mádeni tóńkeristiń” aýyr soqqysyna ushyrap, “halyq jaýy” bolyp, aýyr kúnderdi de ótkergen.
Soǵan qaramastan, qalamgerdiń ǵylymi eńbekterinen, roman, povesterinen quralǵan jiyrmadan astam kitaby jaryq kórgen. Qazaqstanda “Qarakerei Qabanbai”, “Has batyr Qabanbai”, “Tuǵyryl han”, “Demejan batyr”, Halyq kúishisi Qairaqbai”, “Baspai” atty kitaptary men eńbekteri jariialanǵan.
