Qyzylordada jappai tártipsizdik kezinde búlik shyǵarǵan eki kópbalaly ananyń ústinen is qozǵaldy, dep habarlaidy QazAqparat.
Oblys ortalyǵynda 5 qańtar kúni jappai tártipsizdik kezinde eki azamatsha búlikshilermen birge oblys ákimdiginiń ǵimaratyna basa kóktep kirip, tártipsizdikke oryn bergen. Videojazbada olardyń tas laqtyryp, ákimdiktiń qorshaýyna minip, balaǵat sózder aitqany, ǵimaratqa zańsyz kirgeni kórsetilgen.
Eki azamatshaǵa qatysty Sotqa deiingi tergep-tekserýdiń biryńǵai tizilimine Qylmystyq kodekstiń 272-babynyń 2-bóligimen (jappai tártipsizdikke qatysý) qylmystyq is tirkeldi. Fakti boiynsha jan-jaqty jáne obektivti tergep-tekserý júrgizilgen.
Eki azamatsha qylmystyq áreketterin tolyq moiyndady. Olardyń asyraýynda kámeletke tolmaǵan balalarynyń bolýy jáne olardyń densaýlyq jaǵdaiy men ózderiniń ótinishi eskerilip, bultartpaý sharasy úiqamaqqa aýystyryldy.
Árbir derek muqiiat zerdelenedi. Nátijeleri boiynsha quqyqtyq baǵa beriletin bolady», - dep málim etti Qyzylorda qalalyq Politsiia basqarmasynyń baspasóz qyzmetinen.
