Birqatar qylmystyqtyq top basshylary men qatysýshylary jappai tártipsizdikterdi uiymdastyrýǵa qatysýyna bailanysty jaýapqa tartylýda, – dep habarlaidy Polisia.kz.
Qańtar aiyndaǵy oqiǵalardan keiin IIM Kriminaldyq politsiia departamentiniń qyzmetkerleri aýmaqtyq bólimshelerdiń qatysýymen Nur-Sultan, Almaty, Aqtóbe, Óskemen jáne Qyzylorda qalalarynda júrgizilgen jedel-izdestirý is-sharalary barysynda 4-7 qańtarda jappai tártipsizdikterdi uiymdastyrýǵa qatysy bar birqatar qylmystyq toptardyń basshylary men uiymdasqan qylmystyq toptardyń qatysýshylaryn ustady jáne jaýapkershilikke tartty.
Júrgizilgen arnaiy operatsiialardyń nátijeleri boiynsha ustalǵandardan tómendegidei qarý-jaraq túrleri alyndy: eki “Kalashnikov” avtomaty, tórt “PM” tapanshasy, tórt “Glok” tapanshasy, revolver, “TT” tapanshasy, pompalyq myltyq, avtomatty myltyq, “Saiga-410” tegis uńǵyly karabini, “Osa” travmatikalyq tapanshasy, RGD-5 granaty jáne ártúrli kalibrli 130 birlikten astam oq-dáriler tárkilendi.
Barlyq ustalǵandarǵa qatysty “kúzetpen ustaý” bultartpaý sharasy tańdaldy. Sotqa deiingi tergeý amaldary júrgizilýde.
