Japoniiada Sinkansen júrdek poiyzdarynyń operatorlary sapar kezinde qashyqtan jumys isteitin jolaýshylarǵa arnap erekshe jaǵdai jasady. Bul týraly QazAqparat NHK-ge silteme jasap habarlaidy.
Qazan aiynan bastap JR Tokai jáne JR West temirjol kompaniialary «Nadzomi» sýperekspresinde qashyqtan jumys isteitin jolaýshylar úshin arnaiy bir vagondy beredi. Bul poiyzdar Tokio, Osaka jáne Fýkýoka siiaqty qalalar arasynda qatynaidy.
«Keibir vagondarda tegin Wi-Fi qoldaný ýaqytyna shekteýdi alyp tastaidy, symsyz signaldar qaýipsizdikti qamtamasyz etý úshin kodtalady. Basqa qosymsha qyzmetter qatarynda derbes kompiýterge arnalǵan jumsaq demeýish, ekrandy bóletin qabyrǵa bar», - delingen habarlamada.
Sinkansenniń basqa marshrýtyndaǵy operatorlar da osyndai qyzmetterdi synap jatqany aityldy.
NHK-diń aitýynsha, mundai sheshim koronavirýs pandemiiasy jaǵdaiynda adamdardyń jumys kestesiniń ártúrli bolýyna bailanysty qabyldandy. Odan bólek, temirjol kompaniialary saparǵa shyǵatyn jolaýshylardy qaitarý úshin qolǵa almaq, sebebi indet kezinde sinkansen jolaýshylary azaiyp ketken.
