Japoniia úkimeti seisenbi kúni eldiń soltústik-shyǵysy men soltústigindegi Tynyq muhity jaǵalaýynda 9 baldyq jer silkinisi bolsa, onyń saldary qandai bolatyny týraly boljam jariialap, Hokkaido men Aomoridi qosqanda, jeti prefektýrada 199 myń adamǵa eskertý jasady. Bul týraly Kyodo agenttigi málim etti, dep habarlaidy QazAqparat.
Tabiǵi apattardy basqarý jónindegi ortalyq keńestiń boljaýynsha, turǵyndardyń basym bóligi tsýnamiden zardap shegedi, osyndai jer silkinisi bolǵan jaǵdaida, Japon shuńǵymasynyń boiyndaǵy 220 myń ǵimarat qiraýy múmkin. Elge 31,3 trillion ien (275,4 milliard dollar) shyǵyn keledi.
Tabiǵi apattarǵa qarsy kúres ministri Satoshi Ninoiý 21 jeltoqsanda ótken baspasóz máslihatynda Japoniianyń soltústiginde iri jer silkinisi bolǵan jaǵdaida, onyń saldary qandai bolatyny týraly aitty.
Japoniianyń batysynan ortalyǵyna deiin sozylǵan Nankai shuńǵymasynyń boiyndaǵy jer silkinisinen 323 myń adam, Tokionyń ishindegi jer silkinisinen 23 myń adam mert bolýy múmkin.
