جاپونييا ٷكٸمەتٸ سەيسەنبٸ كٷنٸ ەلدٸڭ سولتٷستٸك-شىعىسى مەن سولتٷستٸگٸندەگٸ تىنىق مۇحيتى جاعالاۋىندا 9 بالدىق جەر سٸلكٸنٸسٸ بولسا, ونىڭ سالدارى قانداي بولاتىنى تۋرالى بولجام جارييالاپ, حوككايدو مەن اوموريدٸ قوسقاندا, جەتٸ پرەفەكتۋرادا 199 مىڭ ادامعا ەسكەرتۋ جاسادى. بۇل تۋرالى Kyodo اگەنتتٸگٸ مەلٸم ەتتٸ, دەپ حابارلايدى قازاقپارات.
تابيعي اپاتتاردى باسقارۋ جٶنٸندەگٸ ورتالىق كەڭەستٸڭ بولجاۋىنشا, تۇرعىنداردىڭ باسىم بٶلٸگٸ تسۋناميدەن زارداپ شەگەدٸ, وسىنداي جەر سٸلكٸنٸسٸ بولعان جاعدايدا, جاپون شۇڭعىماسىنىڭ بويىنداعى 220 مىڭ عيمارات قيراۋى مٷمكٸن. ەلگە 31,3 تريلليون يەن (275,4 ميلليارد دوللار) شىعىن كەلەدٸ.
تابيعي اپاتتارعا قارسى كٷرەس مينيسترٸ ساتوشي نينويۋ 21 جەلتوقساندا ٶتكەن باسپاسٶز مەسليحاتىندا جاپونييانىڭ سولتٷستٸگٸندە ٸرٸ جەر سٸلكٸنٸسٸ بولعان جاعدايدا, ونىڭ سالدارى قانداي بولاتىنى تۋرالى ايتتى.
جاپونييانىڭ باتىسىنان ورتالىعىنا دەيٸن سوزىلعان نانكاي شۇڭعىماسىنىڭ بويىنداعى جەر سٸلكٸنٸسٸنەن 323 مىڭ ادام, توكيونىڭ ٸشٸندەگٸ جەر سٸلكٸنٸسٸنەن 23 مىڭ ادام مەرت بولۋى مٷمكٸن.
