«Krosa» taifýnynyń jaqyndaýyna bailanysty Japoniianyń Kiýsiý aralyn basqa aýdandarmen bailanystyratyn 400-ge jýyq ishki áýe reisteriniń qozǵalysyna shekteý qoiyldy, dep habarlaidy QazAqparat.
NHK telearnasynyń aqparatyna sáikes, sársenbi kúni 170 áýe reisi toqtatylǵan. Sondai-aq, beisenbige josparlanǵan 228 ishki áýe reisteri keiinge qaldyryldy.
Qazirgi ýaqytta taifýn Tanegasima aralynan shyǵysqa qarai 190 shaqyrym jerde. Jeldiń ortalyqtaǵy jyldamdyǵy sekýndyna 30 metrdi quraidy, al uiytqýy kezinde sekýndyna 40 metrge deiin artady. Tolqyndardyń biiktigi 9 metrge jetýi yqtimal.
Taifýn Kiýsiý aralyna beisenbige qaraǵan túni tónýi múmkin, al aldaǵy 24 saǵatta batys jaǵalaý men Sikoký aralynyń ortalyq aýdandaryna, sondai-aq, Honsiý aralynyń ortalyq aýdandaryna jetedi dep kútilýde.
