Shyǵys Japoniianyń jaǵalaýyna joiqyn «Krosa» taifýny jaqyndap keledi, dep habarlaidy eldiń meteorologiialyq agenttigi.
Kyodo News málimetinshe, beisenbi kúni joǵary jyldamdyqtaǵy jolaýshylar ekspresiniń qozǵalysyna túgeldei shekteý qoiylatyn bolady.
Tynyq muhitynyń onynshy taifýny búgin Japoniianyń Tanegasima aralynan 500 shaqyrym jerde bolǵan. Sársenbi jáne beisenbi kúni taifýn batys óńirlerge jetedi dep kútilýde.
Japoniianyń meteorologiialyq agenttigi taifýnnyń saldarynan nóser jańbyr jaýatyndyqtan batys jáne shyǵys aýdandardaǵy ózenderde lai kóshkinderiniń, sý tasqynynyń bolýy, sý deńgeiiniń kóterilýi múmkin ekenin eskertedi.
Taifýnnyń ortalyǵyndaǵy atmosferalyq qysym búgin túski ýaqytta 965 gPa-ǵa, jeldiń jyldamdyǵy sekýndyna 162 shaqyrymǵa jetti.
Sársenbige qarai Japoniianyń ortalyǵyndaǵy Tokai aýmaǵynda - 300 mm deiin, shyǵys Kinki aýdanynda 200 mm deiin jaýyn-shashyn kútiledi.
