Japoniia densaýlyq saqtaý ministrliginiń habarlaýynsha, Iokogama mańynda karantinde turǵan kriýz kemesinde taǵy 41 adamnan koronavirýs tabylǵan. Osylaisha virýs juqtyrǵan jolaýshylardyń sany 61 boldy, dep habarlaidy Kyodo.
Aýrýǵa shaldyqqandardyń jasy - 20 men 80 aralyǵynda. Olar Tokio men jaqyn mańdaǵy Saitama, Tiba, Kanagava, sondai-aq Japoniianyń ortalyǵyndaǵy Sidzýoka prefektýralaryndaǵy meditsina mekemelerine jetkiziledi. Ministrliktiń málimetinshe, olardyń eshqaisysynda aýyr simptomdar joq.
Koronavirýs juqtyrǵan 41 adamnyń ishinde 21-i – japon, segizi – amerikalyq, beseýi – avstraliialyq, taǵy beseýi – kanadalyq jáne Argentina men Ulybritaniiadan eki adam bar.
«Diamond Princess» laineriniń bortynda 56 elden 3700-ge jýyq jolaýshy men ekipaj músheleri bolǵan. 80 jastaǵy jolaýshydan virýs tabylǵan soń keme Kanagava prefektýrasynyń astanasyndaǵy ailaqqa karantinge qoiylǵan edi.
