Juma kúni Japoniianyń ortalyǵynda magnitýdasy 5,0 jer silkinisi boldy. Zilzala saldarynan kem degende 11 adam zardap shekti, dep habarlaidy Kiodo agenttigi.
Japoniia meteorologiialyq agenttiginiń málimetinshe, jer silkinisi shamamen tańǵy saǵat 9:10-da, Fýkýi prefektýrasynda oryn alǵan. Onyń tereńdigi shamamen 10 shaqyrym.
Japondyq seismikalyq qarqyndylyq boiynsha 5 baldan tómen (7 baldyń ishinde) jer silkinisi Fýkýi prefektýrasynyń Sakai qalasynda tirkeldi.
Fýkýi prefektýrasy úkimetiniń málimetinshe, kem degende 11 adam jaraqat alǵan. Órt sóndirýshilerdiń aitýynsha, jaraqattanǵandar arasynda Fýkýi qalasynda tósekten qulaǵan bir jasar qyz bala jaq súieginiń jeńil jaraqatyn alǵan, al Sakaidegi 80 jastaǵy áiel jer silkinisi kezinde óz úiinde qulap, tabany zaqymdanǵan.
