Jeksenbi kúni tańerteń Japoniiada Tynyq muhitynyń ońtústigindegi Tonga aralynda janartaý atqylap, saldarynan tsýnami boldy. Meteorologiialyq agenttik tabiǵi apat týraly eskertý jariialap, 210 myń adam biik jerge aýysýǵa májbúr boldy, dep habarlaidy QazAqparat Kyodo Newsagenttigine silteme jasap.
Agenttik 3 metrlik tsýnamidiń Amami araly men soltústik-shyǵysyndaǵy Ivate prefektýrasyn qosqanda, Japoniianyń ońtústik-batysyndaǵy keibir araldarǵa zardap keltirýi múmkin ekendigin habarlaǵan.
Senbi kúni tún jarymyna taman Amami qalasynda 1,2 metr biik, jeksenbi kúni tańǵy 2:26-da Ivate prefektýrasynda biiktigi 1,1 metrlik, al Hokkaidodan Kiýso men Okinavaǵa deiin kishigirim tsýnami baiqalǵan.
Órt jáne tabiǵi apattarmen kúres agenttiginiń habarlaýynsha, Aomori, Ivate, Miiagi, Tiba, Koti, Miiadzaki jáne Kagosima prefektýralarynda kem degende 210 myń adamnan jaǵalaýdan ketý suraldy.
Aita ketsek, sońǵy ret tsýnami týraly eskertý 2016 jyly qarashada Japoniianyń soltústik-shyǵysynda 7,4 baldyq jer silkinisinen keiin jasalǵan bolatyn.
