Japoniia úkimeti 2019 jyldyń 1 mamyrynda jańa imperiialyq kezeńniń bastalǵanyn jariialady. Bul kezeń «Reiv» dáýiri dep atalady - bul ataý qazaq tilinde «tártip», «úilesim» jáne «gúldengen álem» degen maǵyna beredi, dep habarlaidy QazAqparat VVS silteme jasap.
Qazirgi «Heisei» dep atalatyn dáýirdiń ataýy qytai ádebietinen alynǵan bolatyn, ol «qol jetken beibitshilik» degen maǵyna beredi. Ol dáýir 1989 jyldyń qańtarynda, Hirohito imperator qaitys bolǵan kezde bastalǵan edi. Onyń uly Akihito Japoniianyń 125-shi imperatory retinde 30 jylǵa jýyq ýaqyt bilik qurdy. Sóitip óz erkimen taqtan bas tartty.
Ol bul sheshimin jasynyń ulǵaiǵanymen túsindirdi. Hanzada Narýhito taqqa búgin, iaǵni 1 mamyr kúni otyrdy.
Hanzada Narýhito taqqa búgin, iaǵni 1 mamyr kúni otyrdy.
Japoniia ministrler kabinetiniń bas hatshysy Iosihide Sýga baspasóz máslihatynda jańa dáýir úshin tańdap alynǵan ataý jazylǵan taqtaishany kórsetti.
Japoniianyń qazirgi tarihynda 4 dáýir ǵana bolǵan. «Álem jetistigi» zamanyna deiingi Hirohito imperatordyń dáýiri óte uzaqqa sozyldy - ol memleketti 1926-1989 jyldar aralyǵynda biledi. Ol kezeńge millitaristik Japoniia, Ekinshi dúniejúzilik soǵys kiredi. Tarihtan belgili, bul ýaqytta kúnshyǵys eli natsistik Germaniiamen jáne fashistik Italiiamen odaqtasqan bolatyn. Sondai-aq, Hirosima men Nagasakige iadrolyq bomba tastaldy. Soǵystan keiingi jańa memlekettiń qurylýy, tehnologiialyq jáne ekonomikalyq órkendeý - osynyń bári «Siova» («jaryq álem») dáýirinde oryn aldy.
Onyń aldynda 1912-1926 jyldar aralyǵynda Japoniiada «Taisio» («uly týralyq») dáýiri saltanat qurdy. Al 1868 jyldan 1912 jylǵa deiin Mýtsýhito imperatordyń tusynda Japoniia «meidzi» («bilimdi basqarý») dáýirin bastan keshirdi.
