Illiýstratsiialyq sýret
Japoniianyń batysyndaǵy Tokýsima jáne Koti prefektýralarynyń kemejailarynda tsýnamiden kem degende 20 kemege zaqym keldi. Bul týraly jeksenbi kúni NHK telearnasy málim etti, dep habarlaidy QazAqparat.
Telearnanyń habarlaýynsha, kemeler aýdarylyp, alyp tolqyndar muqitqa aǵyzyp alyp ketken. Budan buryn 10 kemege zaqym kelgeni týraly habarlanǵan bolatyn.
Jeksenbi kúni Tynyq muhit jaǵalaýy aýdandarynda turyp jatqan japondyqtar jergilikti bilikten tsýnami qaýpine bailanysty evakýatsiia týraly buiryq aldy. Budan bólek, ol aýmaqtan ushyp-qonatyn 27 ishki áýe reisi toqtatyldy.
Japoniianyń Ulttyq meteorologiialyq qyzmeti 15-inen 16-syna qaraǵan túni Tonga Koroldiginde sý astyndaǵy Hýnga-Tonga-Hýnga-Haapai janartaýynyń atqylaýymen bailanysty tsýnami qaýpi týraly habar bergen. Japoniia jaǵalaýlarynda 1,2 metr biik tolqyndar tirkelip, biiktigi úsh metrge jetetin tsýnami qaýpi týraly eskertý jasalǵan.
