Japoniia biligi eldiń batysyna tóngen «Krosa» taifýnynyń saldarynan 580 adamdy evakýatsiialaidy, dep habarlaidy QazAqparat Kiodo agenttigine silteme jasap.
Agenttiktiń málimetinshe, ońtústik-batystan Japoniia jaǵalaýyna jetken taifýnnyń kesirinen Sikoký jáne Kiýsiý araldaryndaǵy 280 myń turǵyn úige sý basý jáne kóshkin júrý qaýpi tónip tur.
NHK telearnasynyń aqparatyna sáikes, beisenbi kúni batys Japoniiaǵa attanatyn 700-ge jýyq áýe reisteriniń, keibir baǵyttarda júretin poiyzdardyń qozǵalysyna shekteý qoiyldy.
«Krosa» taifýnynyń saldarynan nóser jaýyn jaýyp, jyldamdyǵy sekýndyna 45 metrge jetetin daýyl soqty, sondai-aq teńizde biik tolqyndar paida boldy. Meteorologtardyń málimetinshe, keibir aýdandarda 100 millimetrge deiin nóser jańbyr jaýýy múmkin.
